06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
«Արսենալ»-«Քարաբագ» խաղի ժամանակ դաշտ ներխուժած հայ երկրպագուն ազատ է արձակվել
14.12.2018 | 12:17
Հայ երկրպագուն, որը Արցախի դրոշով ու Մոնթեի պատկերով շապիկով խաղադաշտ էր ներխուժել Եվրոպա լիգայի 2018-19 մրցաշրջանի խմբային փուլի վերջին տուրի «Արսենալի» ու ադրբեջանական «Քարաբագի» հանդիպման ժամանակ, ազատ է արձակվել: Այս մասին ֆեյսբուքի իր էջում գրել ՀՀ հավաքականի ՖԱՖ ֆան ակումբի հիմնադիր անդամ Սերգեյ Ջանջոյանը:
«Քիչ առաջ խոսեցի Սպարտակի հետ։ Արդեն ազատ է, հնարավոր է՝ խուսափի վարչականից։ «Արսենալում» հայերին շատ են սիրում)»,- գրել է Ջանջոյանը:
Հիշեցնենք, որ դեկտեմբերի 13-ին, երիտասարդը խաղադաշտ էր ներխուժել հանդիպման վերջնամասում: «Մեր տղեն ակցիա իրականացրեք հենց նոր… Արցախի դրոշով վազեց դաշտ դեպի Հենոն.. ղարաբաղ ակումբի ֆուտբոլիստների ռեակցիան տեսաք.. Մատերիալ ավելի ուշ կունենանք։ Ափսոս կադր չեղավ հեռարձակման մեջ»,- դարձյալ ֆեյսբուքի իր էջում գրել էր Ջանջոյանը:
