Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ

Լուրեր

20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
20.11.2026 | 18:19
Բանակից ազատելու դեպքերն ուսումնասիրեք 2018-ից հետո. Էդգար Ղազարյան․ ՏԵՍԱՆՅՈՒԹ
20.11.2026 | 18:15
Թույլ չենք տալու Հայաստանը տանել-մտցնել այլ պետության կազմ․ Ռուբինյանը՝ ընդդիմությանը․ ՏԵՍԱՆՅՈՒԹ
Բոլորը

Հայ-ադրբեջանական բանակցային գործընթացում ստեղծված իրավիճակը և հայ-ռուսական հարաբերությունների լարված ֆոնը պայմանավորված են մի շարք աշխարհաքաղաքական ու տարածաշրջանային գործոններով: Տարածաշրջանային հարցերով փորձագետ Արմեն Պետրոսյանի դիտարկմամբ՝ Բաքուն և Մոսկվան այս փուլում առաջնորդվում են ժամանակ շահելու և կտրուկ ճգնաժամերից խուսափելու մարտավարությամբ։

Factor TV-ի հետ զրույցում անդրադառնալով Խաղաղության պայմանագրի ստորագրմանը խոչընդոտող հանգամանքներին՝ փորձագետն արձանագրում է, որ Բաքվի պահանջները մանիպուլյատիվ բնույթ են կրում։ Նրա խոսքով՝ այս պահին Ադրբեջանը փորձում է ամեն գնով հետաձգել փաստաթղթի ստորագրումը՝ այն կապելով բացառապես ՀՀ Սահմանադրության հետ։ «Ադրբեջանն այլ պայման չունի Խաղաղության պայմանագիր ստորագրելու, քան Սահմանադրություն փոխելն է»,- նշում է վերլուծաբանը։

Այնուամենայնիվ, եթե Երևանը գնա այդ քայլին, Բաքուն կկորցնի խուսանավելու հնարավորությունը։ Ըստ Պետրոսյանի՝ «Ադրբեջանը փաստի առաջ կկանգնի, եթե ՀՀ-ն փոխի Սահմանադրությունը, նա հարկադրված կլինի ստորագրել պայմանագիրը»։

Միևնույն ժամանակ, փորձագետը շեշտում է, որ ՀՀ Սահմանադրության թեման ընդամենը արհեստական արգելք է․ «Ադրբեջանն այսօր չի ուզում ստորագրել Խաղաղության պայմանագիր, ԹՐԻՓՓ-ի իրագործումն ավելի կարևոր է,- փաստում է բանախոսը՝ հավելելով,- Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա, իսկ Սահմանադրությունը պատրվակ է»։

Խոսելով հայ-ռուսական հարաբերությունների ներկայիս բարդ շրջափուլի մասին՝ Արմեն Պետրոսյանը նկատում է, որ Մոսկվայի հիմնական նպատակը Երևանին իր վերահսկողության տիրույթում պահելն է, սակայն՝ առանց անդառնալի կորուստների և կոշտ էսկալացիայի։
«ՌԴ-ն խնդիր է դրել՝ ՀՀ-ին պահել իր ուղեգծում, բայց իրեն ճգնաժամ պետք չէ՝ ԵԱՏՄ-ից դուրս գալու խնդիր դնելով կամ գազը թանկացնելով»,- վերլուծում է փորձագետը։

Այս զգուշավորությունը պայմանավորված է Ռուսաստանի աշխարհաքաղաքական շահերով։ Ըստ Պետրոսյանի՝ «ՌԴ-ն պատրաստ չէ ՀՀ-ի հետ նոր ճգնաժամի, քանի որ սա իր հակառակորդների համար տեղ կբացի»՝ տարածաշրջանում առավել ակտիվանալու համար։ Հենց այս տրամաբանությամբ էլ, անդրադառնալով Հայաստանի ներքաղաքական գործընթացներին և ընդդիմության կոշտ դիրքավորմանը, վերլուծաբանն ընդգծում է. «ՌԴ-ն ակնհայտ աջակցեց ՀՀ-ի ռուսամետ ուժերին… բայց վա-բանկ չգնաց»։ 

Ինչ վերաբերում է Եվրամիությանն անդամակցելու գործընթացներին ու դրա շուրջ օրենսդրական նախաձեռնություններին, փորձագետը վստահ է, որ դա Մոսկվայի կողմից օգտագործվում է զուտ որպես մանիպուլյատիվ գործիք։ «ՌԴ-ն ԵՄ գնալու օրենքը ՀՀ-ի վրա ճնշում գործադրելու պատրվակ է դարձնում, նա լավ գիտի՝ գործընթացը հեռանկարային չէ»,- ասում է նա։

Ամփոփելով հայ-ռուսական բարձրագույն մակարդակի սպասվող շփումները՝ Նիկոլ Փաշինյանի և Վլադիմիր Պուտինի առաջիկա երեք հանդիպումներին, Արմեն Պետրոսյանը կանխատեսում է, որ դրանք կրելու են պրագմատիկ բնույթ՝ կրկին ուղղված հարաբերությունների կառավարմանը։ «Փաշինյան-Պուտին բանակցությունը կարևոր կլինի, բայց այն միտված կլինի ժամանակ շահելուն՝ որպեսզի ոլորտային հանձնաժողովներ աշխատեն ու լուծումների գնան»,- եզրափակում է փորձագետը։

Հաղորդումն ամբողջությամբ՝ տեսանյութում։

Ռոբերտ Անանյան