Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ

Լուրեր

20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
Բոլորը

«Քաղաքացիական պայմանագիր» կուսակցության վարչության անդամ Արսեն Թորոսյանը խորհրդարանական ընդդիմության դիրքավորումը, նոր Սահմանադրության շուրջ ստեղծված քննարկումն ու հայ-ռուսական հարաբերություններում առկա ճգնաժամը համարում է մեկ ընդհանուր շղթայի մաս: Factor TV-ի եթերում խոսելով սահմանադրական հանրաքվեի նախաձեռնության և դրան ընդդիմության կոշտ արձագանքի մասին՝ Արսեն Թորոսյանը ընդգծում է, որ ընդդիմադիրները խուսափում են իշխանություն վերցնելուց։

«Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ»,- նշում է նա՝ հավելելով, որ այսօր «Նիկոլ Փաշինյանը զոհասեղանին է դնում վարչապետի պաշտոնը՝ հանուն խաղաղության, իսկ ընդդիմությունը մերժում է դա»։

Ըստ Թորոսյանի՝ ընդդիմությունն այժմ հայտնվել է անելանելի վիճակում։ «Ընդդիմությունը ցուգցվանգի մեջ է՝ մեզ հեռացնելու խոստումը չի պահում, արտահերթով՝ չի կարողանալու ԱԺ անցնել»,- վստահեցնում է պատգամավորը։ Նա հստակ նախազգուշացնում է քաղաքական հակառակորդներին իրենց սպասվող ապագայի մասին. «Ընդդիմությանն արտահերթ ընտրություններով կուղարկենք իրենց գործերին, կգնանք սահմանադրական հանրաքվեի, եթե դեմ քվեարկեն»։

Անդրադառնալով ընդդիմադիր դաշտից հնչող մեղադրանքներին, թե իշխանությունը պատրաստվում է կեղծել հանրաքվեի արդյունքները, Թորոսյանը հեգնում է. «Քեշ փողով քվեներ առած կաշառատուները մեղադրում են մեզ, որ կկեղծենք սահմանադրական հանրավքեն, եփած հավի ծիծաղը կգա»։

Իշխանական պատգամավորը կտրականապես հերքում է այն թեզը, թե Մայր օրենքը փոխվում է Բաքվի պարտադրանքով: Նա ընդգծում է, որ փաստաթուղթը գրվում է բացառապես Հայաստանի շահերից ելնելով: «Սահմանադրությունը մեր մասին է, չպետք է ունենա տարածքային հավակնություն որևէ հարևանի նկատմամբ, դա գրվում է Սահմանադրությունում, հրապարակվի՝ կտեսնեք»,- վստահեցնում է Թորոսյանը:

Բացատրելով, թե ինչու է ընդդիմությունն այսքան կոշտ դիմադրում այս գործընթացին, պատգամավորը մատնանշում է նրանց դրդապատճառները. «Ընդդիմությանը և իր ստնտուներին կոնֆլիկտ է պետք Ադրբեջանի հետ, թե չէ՝ հանրաքվեի կգնան, կատաղի պայքարելու «ալիևյան սահմանադրության» դեմ։ Իրենք ստում են, գիտեն, որ սահմանադրությունն ալիևյան չէ, մեր պետականության և խաղաղության համար է, ու դեմ են դրան»։

Նրա համոզմամբ՝ ընդդիմադիրները չեն կարող ուղիղ տեքստով խոստովանել իրենց նպատակները, քանի որ «ընդդիմությունը կոչնչանա, եթե ասի դեմ է խաղաղությանը»։ Դրա փոխարեն, ըստ Թորոսյանի, նրանք «ուզում են՝ ՀՀ-ն կիսակործանված վասալի կարգավիճակում մնա, դրա համար էլ ընդդիմանում են հանրաքվեին»։

Խոսելով արտաքին անվտանգային միջավայրի և հայ-ռուսական լարված հարաբերությունների մասին՝ Արսեն Թորոսյանը քննադատություն է հնչեցնում Մոսկվայի հասցեին: Պատասխանելով ռուսական կողմից հնչող մեղադրանքներին՝ նա հիշեցնում է վերջին տարիների անվտանգային ձախողումները։

Պատգամավորը չի բացառում, որ Ռուսաստանը կարող է նոր տնտեսական լծակներ կիրառել Հայաստանի նկատմամբ, սակայն շեշտում է, որ պետությունը պետք է դիմանա այդ ճնշումներին՝ հանուն ինքնիշխանության: «Եթե ՌԴ-ն գազը թանկացնի, իրավիճակը կկառավարենք»,- վստահեցնում է նա՝ հավելելով ամենակարևոր հարցադրումը, որի առաջ կանգնած է Հայաստանը,- «պիտի որոշենք՝ կայսերական ամբիցիաներին տրվո՞ւմ ենք, թե՝ ոչ»։

 

Հաղորդումն ամբողջությամբ՝ տեսանյութում։

Ռոբերտ Անանյան