Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ

Լուրեր

19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
Բոլորը

Ազգային ժողովում բյուջետային քննարկումների ընթացքում պատգամավոր Էդգար Ղազարյանի և Կառավարության ներկայացուցչի միջև թուրք-ադրբեջանական համատեղ զորավարժությունների ու Հայաստանի զինված ուժերի պատրաստվածության շուրջ հարցուպատասխանն ավարտվեց ԱԺ նախագահ Ռուբեն Ռուբինյանի կոշտ նախազգուշացմամբ։

Ղազարյանն անդրադարձավ տարածաշրջանային անվտանգության խնդիրներին՝ խոսելով Թուրքիայի և Ադրբեջանի ռազմական համագործակցության և Հայաստանի համար դրանից բխող հնարավոր սպառնալիքների մասին։

Նա հիշեցրեց, որ 2021 թվականին Շուշիում ստորագրվել է թուրք-ադրբեջանական համատեղ հռչակագիր, և պնդեց, որ երկու երկրների զինված ուժերը պարբերաբար համատեղ զորավարժություններ են անցկացնում Հայաստանի սահմանների մոտ և Արցախի տարածքում։

«2021 թվականին Շուշիում ստորագրվել է թուրք-ադրբեջանական համատեղ հռչակագիր… Թուրքիայի և Ադրբեջանի զինված ուժերը Հայաստանի սահմաններին, այդ թվում՝ օկուպացված Արցախի տարածքում, տարեկան իրականացնում են միջինում 25 համատեղ զորավարժություններ: …Բոլոր այդ զորավարժություններում խաղարկվում է Հայաստանի դեմ հնարավոր ռազմական ագրեսիայի սցենարը»,- հայտարարեց Ղազարյանը։

Արձագանքելով հարցին՝ պատգամավոր Արմեն Խաչատրյանը չհամաձայնեց Հայաստանի զինված ուժերի զորավարժությունների վերաբերյալ Ղազարյանի պնդումներին։ Նա նշեց, որ հայկական զինված ուժերը նույնպես մասնակցում են տարբեր զորավարժությունների, այդ թվում՝ միջազգային գործընկերների հետ։

«Դուք հիանալի տիրապետում էիք Ադրբեջանի և Թուրքիայի զինված ուժերի զորավարժությունների քանակին… բայց ընդհանրապես չեք տիրապետում Հայաստանի Հանրապետության զինված ուժերի նման գործընթացներին: …Մենք մի քանի անգամ արդեն մասնակցել ենք «Արծիվ» զորավարժությանը Միացյալ Նահանգների խաղաղապահ ուժերի հետ, այն էլ Հայաստանում»,- ասաց Խաչատրյանը։

Արձագանքման ընթացքում Էդգար Ղազարյանը հակադարձեց՝ նշելով, որ հայ-ամերիկյան համատեղ զորավարժությունները, իր գնահատմամբ, ուղղված չեն թուրք-ադրբեջանական հնարավոր ռազմական սպառնալիքների չեզոքացմանը։

Այնուհետև նա անդրադարձավ նաև նիստը վարող Ռուբեն Ռուբինյանին՝ քննադատելով նիստը նախագահելու նրա գործելաոճը։

«Իսկ ինչ վերաբերում է նիստը նախագահելու ընթացքին, ես տպավորություն ստացա, որ նախագահողը սկզբից միայն թվերը գիտի, հետո պարզվեց, որ դա էլ չգիտի»,- ասաց Ղազարյանը։

Այս հայտարարությունից հետո ԱԺ նախագահ Ռուբեն Ռուբինյանը նախազգուշացում հայտարարեց Էդգար Ղազարյանին՝ զգուշացնելով, որ հաջորդ նման դեպքի դեպքում վերջինս կհեռացվի նիստից։

«Նախազգուշացում եմ հայտարարում 75 համարի տակ հանդես եկող պատգամավորին: Հաջորդ նախազգուշացում չի լինելու, և նա նիստից դուրս է հրավիրվելու»,- հայտարարեց Ռուբինյանը։

Մանրամասները՝ տեսանյութում։

Եվգենյա Համբարձումյան