16.11.2024 | 16:41
Հայաստանի ազգային հավաքականը մեկնել է Lատվիա
ԵՊԲՀ դիպլոմը կճանաչվի Շրի Լանկայի բժշկական խորհրդի կողմից
13.12.2018 | 21:45
Շրի Լանկայի Բժշկական Խորհուրդը բավարարել է ԵՊԲՀ դիպլոմի ճանաչման հայտը: Սա շուրջ 2 տարի տևած թիմային աշխատանքի արդյունք է, որի շնորհիվ ԵՊԲՀ տրամադրած ուսուցումը Շրի Լանկայի կառավարության կողմից համահավասարեցվում է իրենց տրամադրած բժշկական կրթությանը, և որով փաստվում է ԵՊԲՀ միջազգային որակի կրթության օպերատոր հանդիսանալը:
Այս մասին հայտնում են ԵՊԲՀ մամուլի ծառայությունից:
Ներկայումս ԵՊԲՀ ուսանողներից յուրաքանչյուր չորրորդը արտասահմանցի է:
ԵՊԲՀ ուսանողների աշխարհագրությունը ներառում է 36 երկիր, 18 ազգություն և 6 դավանանք: Նշենք, որ ԵՊԲՀ-ն որդեգրել է միջազգայանացման քաղաքականություն և նպատակ է դրել ընդլայնելու իր ուսանողների աշխարհագրությունը: Ավելացնենք նաև, որ Շրի Լանկայում դեկտեմբերի 21-ին պաշտոնապես կհրապարակվի այս տեղեկատվությունը:
Հիշեցնենք նաև, որ 2018 թվականի սեպտեմբերի 12-ին Շրի Լանկայի բժշկական խորհուրդը ներկայացնող պատվիրակությունը ժամանել էր Հայաստան՝ ԵՊԲՀ ղեկավարության, պրոֆեսորադասախոսական կազմի, համալսարանական հիվանդանոցների ղեկավարների հետ քննարկելու կրթական և կլինիկական ոլորտներին վերաբերող տասնյակ հարցեր:
