02.04.2026 | 14:45
Դավիթ Ղազինյանի և Արամ Օրբելյանի ասուլիսը ՀԷՑ-ի շուրջ իրավական գործընթացների վերաբերյալ. ՈՒՂԻՂ
ԵՄ-ն Հունաստանին 209 մլն եվրո է հատկացրել` միգրանտների տեղավորելու համար
Քաղաքականություն
27.07.2017 | 20:22
Եվրամիությունը Հունաստանին 209 միլիոն եվրոյի հրատապ օգնություն է հատկացրել՝ միգրանտների ժամանակավոր տեղավորման և ապրուստի միջոցի տրամադրման համար: Այս մասին հայտնել է Եվրահանձնաժողովը՝ փոխանցում է TASS-ը։
Նշվում է, որ միգրանտները Թուրքիայի տարածքով ուղևորվում են Արևմտյան և Հյուսիսային Եվրոպայի երկրներ և կանգ են առնում Հունաստանի տարածքում գտնվող ճամբարներում:
«Եվրոպան համերաշխություն է, և դրանով է բացատրվում օգնություն տրամադրելու մասին որոշումը»,- հայտարարել է միգրացիայի, ներքին գործերի և քաղաքացիության հարցերով եվրահանձնակատար Դիմիտրիս Ավրամոպուլոսը:
Այդ միջոցներից 93,5 միլիոն եվրոն նախատեսված է 22 հազար միգրանտների համար կացարանի վարձակալման նպատակով: Եվս 57,6 միլիոն եվրո կհատկացվի նրանց սոցիալական կարիքների ապահովման համար։
