30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Կիևյան փողոցի միջադեպով քրեական վարույթ է նախաձեռնվել՝ այդ թվում սպանության փորձի հատկանիշներով
Հասարակություն
27.10.2026 | 17:33
Երևանի Կիևյան փողոցում տեղի ունեցած միջադեպի առթիվ նախաձեռնվել է քրեական վարույթ՝ զենքի գործադրմամբ խուլիգանության, գույքը խուլիգանական դրդումներով վնասելու և սպանության փորձի հատկանիշներով։ Այս մասին Factor.am-ի հարցին ի պատասխան հայտնեցին Քննչական կոմիտեից։
Հիշեցնենք՝ ՆԳՆ-ն ավելի վաղ հայտնել էր, որ հոկտեմբերի 24-ին՝ ժամը 23։44-ին, բժշկական կենտրոններից մեկից 112 օպերատիվ կառավարման կենտրոն ահազանգ է ստացվել, որ շտապօգնության խումբը Կիևյան փողոցից վիրավորումով բուժօգնության է տեղափոխել մեկ անձի։
«ՆԳՆ ոստիկանության տարբեր ծառայությունների աշխատակիցների համատեղ միջոցառումներով պարզվել է, որ, ըստ նախնական տվյալների, Կիևյան փողոցում վիճաբանություն է եղել մի խումբ անձանց միջև, ինչի ընթացքում տղամարդկանցից մեկը ատրճանակ է գործի դրել»,- ասված է հաղորդագրության մեջ։
Ոստիկանները հայտնաբերել են միջադեպի երկու մասնակցի և միջոցառումներ են ձեռնարկում դեպքի բոլոր հանգամանքները պարզելու և միջադեպի մյուս մասնակիցներին հայտնաբերելու ուղղությամբ։
Արփի Հակոբյան
