16.10.2026 | 15:10
Ալեն Սիմոնյանը՝ անկլավների փոխանակման մասին // Արաղչին խոսել է TRIPP-ի հարցով մտահոգություններից․ ԼՈՒՐԵՐ
Իրանական կողմը հարցեր ունի, դրանց պատասխաններ են տրվել․ Միրզոյանը՝ TRIPP-ի մասին․ ՏԵՍԱՆՅՈՒԹ
Քաղաքականություն
16.10.2026 | 13:52
Երևանում ընթացող ՄԱԿ-ի Կենսաբազմազանության COP17 համաժողովի շրջանակներում լրագրողների հետ ճեպազրույցում ՀՀ արտաքին գործերի և միջազգային առևտրի նախարար Արարատ Միրզոյանը հայտարարեց, որ TRIPP-ի շուրջ իրանական մտահոգությունները ուռճացված են։ Անդրադառնալով Թեհրան կատարած վերջին այցին և տարածաշրջանային հաղորդակցությունների TRIPP ծրագրի շուրջ Իրանի դիրքորոշմանը՝ Միրզոյանը շեշտեց, որ հայաստանյան որոշ լրատվամիջոցներում տարածվող մեկնաբանությունները չափազանցված են։
«Այն մեկնաբանությունները, այն «սոուսը», որով ներկայացվում են Իրանի մտահոգությունները TRIPP-ի շուրջ հայաստանյան որոշ մեդիառեսուրսներում, եթե չասեմ՝ էականորեն հեռու են իրականությունից, ապա էականորեն ուռճացված են: Իրանական կողմում, անշուշտ, կան հարցեր, այդ հարցերին պատասխաններ տրվել են: Իմ տպավորությամբ՝ իրանական կողմն այս ընթացքով բավարարված է»,- ընդգծեց նախարարը։
Միրզոյանի խոսքով՝ Թեհրանի հարցադրումներից մեկը վերաբերել է TRIPP-ի երկայնքով ամերիկյան զինված ներկայության հնարավորությանը։
«Ասում են՝ լինելո՞ւ է ամերիկյան զինված ներկայություն TRIPP-ի երկայնքով: Ասում ենք՝ չի՛ լինելու: Թղթերն այդ մասին են վկայում, իրականությունն այդ մասին է վկայում: Իրենք էլ այդ երկաթուղային ցանցը կարողանալու են օգտագործել: Երրորդ կողմի զինված ներկայությունը մեկ այլ տեղ երկուսի հարաբերություններում միայն բարդացնելու է նրանց կյանքը, դա դասագրքային ճշմարտություն է»,- ասաց ԱԳՄԱ նախարարը:
Մանրամասները՝ տեսանյութում։
Անի Թամրազյան
