02.10.2026 | 13:52
Ձերբակալվել է «Հայաստան» դաշինքի պատգամավորի թեկնածու Արթուր Օհանյանը
Հայաստանում էլեկտրաէներգիայի կուտակիչ կայանների գործունեությունը կկարգավորվի նոր ենթաօրենսդրական ակտերով
02.10.2026 | 12:55
Հանրային ծառայությունները կարգավորող հանձնաժողովում քննարկվել են էլեկտրաէներգիայի պահեստավորող՝ կուտակիչ կայանների գործունեության կարգավորմանն անհրաժեշտ ենթաօրենսդրական իրավական ակտերի մշակման աշխատանքները։ Քննարկումը տեղի է ունեցել Helvetas-ի հայաստանյան գրասենյակի ֆինանսավորմամբ իրականացվող խորհրդատվական աջակցության շրջանակում։
«Սույն թվականի հոկտեմբերի 1-ին ՀՀ հանրային ծառայությունները կարգավորող հանձնաժողովում նախագահ Մեսրոպ Մեսրոպյանի գլխավորությամբ Հանձնաժողովին տրամադրվող աջակցության շրջանակում տեղի է ունեցել հերթական աշխատանքային հանդիպումը՝ Շվեյցարական զարգացման կազմակերպության՝ Helvetas-ի հայաստանյան գրասենյակի կողմից ֆինանսավորվող «Կինետիք» ընկերության ներկայացուցիչների հետ։
Քննարկման ընթացքում անդրադարձ է կատարվել Հանձնաժողովին տրամադրվող խորհրդատվության ընթացիկ աշխատանքներին, որոնք վերաբերում են «Էներգետիկայի մասին» օրենքի փոփոխություններից բխող՝ էլեկտրաէներգիայի պահեստավորող (կուտակիչ) կայանների գործունեության կարգավորման համար անհրաժեշտ ենթաօրենսդրական իրավական ակտերի մշակման գործընթացին։
Հանդիպման ավարտին հստակեցվել են ընթացիկ քննարկման ենթակա հարցերը և նախանշվել են իրականացվող աշխատանքների վերջնարդյունքի ամփոփման ժամկետները»,- ասված է հաղորդագրությունում։
Հիշեցնենք, որ նախօրեին Կառավարությունում լրագրողների հետ ճեպազրույցի ժամանակ վարչապետ Նիկոլ Փաշինյանն անդրադարձել էր էլեկտրաէներգիայի աճող պահանջարկին՝ նշելով, որ երկիրը ավելցուկային էներգիա ունեցող պետությունից վերածվել է էներգիայի դեֆիցիտ ունեցող պետության։
Վարչապետի խոսքով՝ հաստատված ներդրումային ծրագրերը և արհեստական բանականության գործարանների ստեղծումն ու զարգացումն ամբողջությամբ սպառել են առկա ավելցուկը։
