16.11.2024 | 17:29
Պուտինի և Շոլցի հեռախոսազրույցը տևել է մեկ ժամ
ՊՆ և ԵՊԲՀ համագործակցության արդյունքում բժիշկներ կգործուղվեն Ջաբրաիլ
Քաղաքականություն
08.12.2018 | 16:15
ԵՊԲՀ և ՊՆ համագործակցության արդյունքում՝ համալսարանական հիվանդանոցի առաջատար բժիշկներ Արմեն Զարգարյանը և Դավիթ Ղամբարյանը 10 օր իրենց մասնագիտական գործունեությունն իրականացնելու են Ջաբրաիլի հոսպիտալում: Բժիշկներին ուղեկցելու են կլինիկական օրդինատորներ: Ջաբրաիլի զինվորական հոսպիտալում հետազոտվելու են 43 զինվոր և ըստ անհրաժեշտության տեղում իրականացվելու են վիրահատական միջամտություններ: Այս մասին հայտնում են ԵՊԲՀ լրատվական ծառայությունից:
Նոյեմբերի 15-ին Պաշտպանության նախարար Դավիթ Տոնոյանի և ԵՊԲՀ ռեկտոր Արմեն Մուրադյանի միջև կնքված համագործակցության հուշագրի արդյունքում նմանատիպ այցերը կրելու են պարբերական բնույթ և համալսարանական բժիշկներն, ամբողջ Հայաստանի մասշտաբով, հոսպիտալներում իրականացնելու են բուժական գործունեություն:
Նմանատիպ համագործակցությունը նպաստում է ԵՊԲՀ կլինիկական ամբիոնների և ռազմաբժշկական հաստատությունների առկա հնարավորությունների և փորձի համատեղ կիրառմանն ու ամրապնդմանը: Մասնավորապես՝ այսուհետ ընթացք կտրվի ռազմաբժշկական հաստատություններում զինծառայողների և նրանց հավասարեցված անձանց բժշկական օգնության և սպասարկման ծառայությունների մատուցման գործընթացին: Բացի այդ, ռազմաբժշկական հաստատությունների բժիշկ-մասնագետները կներգրավվեն ԵՊԲՀ կրթական, գիտական և կլինիկական գործունեությանը:
