22.09.2026 | 17:44
Հայաստանի ու Մեքսիկայի պատանեկան թիմերում խաղացած ֆուտբոլիստը հրավիրվել է ԱՄՆ-ի Մ-17 հավաքական
Հայաստանն առաջին մեդալն է ապահովել բռնցքամարտի Եվրոպայի առաջնությունում. ՏԵՍԱՆՅՈՒԹ
22.09.2026 | 16:08
Հայաստանն առաջին մեդալն է ապահովել Բուլղարիայում ընթացող բռնցքամարտի Եվրոպայի առաջնությունում:
Մինչև 23 տարեկանների Եվրոպայի եռակի չեմպիոն Էլիդա Քոչարյանը կանանց 65 կգ քաշային կարգի 1/4 եզրափակիչում ժամանակից շուտ հաղթել է Ռումինիայի ներկայացուցիչ Անդրեա Կրինությանին և, դուրս գալով կիսաեզրափակիչ, ապահովել է առնվազն բրոնզե մեդալ:
«Վճռորոշ մենամարտում Էլիդան ոչ մի շանս չտվեց մրցակցին: Գրագետ օգտագործելով իր ֆիզիկական տվյալները հայ մարզուհին մրցակցին պահում էր տարածության վրա ու տեղ հասցնում ուժգին հարվածները: Արդյունքում մեկ նոկդաուն առաջին ռաունդում և երկու նոկդաուն երկրորդ ռաունդում, որից հետո մրցավարը դադարեցրեց մենամարտն ու հաղթանակը շնորհեց Էլիդային»,- նշել է ՀԲՖ մամուլի ծառայությունը:
Հայաստանի ներկայացուցիչներից Եվրոպայի առաջնության քառորդ եզրափակիչ են դուրս եկել նաև Ռուդոլֆ Գարբոյանը (50 կգ), Արթուր Բազեյանը (60 կգ), Մարատ Միքայելյանը (75 կգ) և Դավիթ Չալոյանը (+90 կգ): Գարբոյանը և Չալոյանը կիսաեզրափակիչի ուղեգրի համար կպայքարեն սեպտեմբերի 22-ին, իսկ Բազեյանը և Միքայելյանը՝ սեպտեմբերի 23-ին:
