«Պետք ա ձեզ «պոնչո» անեինք, ասեինք՝ ապրե՛ս, լո՞ւրջ». Խամոյանը՝ Հարությունյանին․ ՏԵՍԱՆՅՈՒԹ

Ազգային ժողովի «Հայաստան» խմբակցության պատգամավոր Ագնեսա Խամոյանն իր ելույթում հակադարձեց ՔՊ պատգամավոր Արայիկ Հարությունյանին, որը նախօրեին ընդդիմությանը մեղադրել էր նախորդ գումարման խորհրդարանում պառլամենտարիզմն այլանդակելու մեջ։

«Ի՞նչ է ասում Արայիկ Հարությունյանը. երեկ ասում է՝ դուք այլանդակել եք պառլամենտարիզմը նախորդ գումարման խորհրդարանում: Լո՞ւրջ եք ասում: Այսինքն՝ ձեր բերած աղետներից հետո, աղետալի պատերազմից հետո, հայրենիքի կորստից հետո, հազարավոր տղաների կորստից հետո մենք պետք է գայինք այս խորհրդարա՞ն, ձեզ «պոնչո»՞ անեինք ու ասեինք՝ ապրե՞ս: Լո՞ւրջ»,- ասաց պատգամավորը՝ հավելելով, որ խորհրդարանում եղած ցանկացած բախում ու էմոցիա եղել է իշխանությունների բերած ողբերգության բնական արձագանքը։

Խամոյանը նաև հեգնեց ՔՊ-ական պատգամավորին՝ ասելով. «Էս գումարման խորհրդարանի ամենամեծ հիասթափությունը ինձ համար պետք է լիներ Տարոն Չախոյանը՝ հաշվի առնելով իր ֆեյսբուքյան գրառումներն ու ֆեյքերը կառավարելու կարողությունները, բայց ձեր ելույթներից հետո Տարոն Չախոյանը քաղաքական մտքի գիգանտ է դառնում»:

Անդրադառնալով ԵՏՄ-ից դուրս գալու տնտեսական հաշվարկների վերաբերյալ իր հարցադրմանը, որը Հարությունյանը որակել էր «Մոսկվայի մամուլի համար վերնագիր դառնալու փորձ», Խամոյանն ասաց. «Վերնագրերից մի՛ խոսեք, դուք ադրբեջանական մամուլի ուրախությունն եք, դուք ադրբեջանական մամուլի հերոսներն եք և ադրբեջանական թեզերը շատ ավելի լավ եք հիմնավորում, քան իրենք»:

Մանրամասները՝ տեսանյութում։

Անի Թամրազյան