04.11.2026 | 19:02
Ինչի հետևանքով է ՍԴ նախագահի ընտրությանը օրը դատավորներից մեկի քվեաթերթիկն անվավեր եղել
Լոս Անջելեսում լրատվամիջոցի ուղղաթիռ է վթարի ենթարկվել․ զոհվել է երեք մարդ․ ՏԵՍԱՆՅՈՒԹ
Քաղաքականություն
16.09.2026 | 10:22
Լոս Անջելեսի թաղամասերից մեկում ուղղաթիռի կործանման հետևանքով երեք մարդ է զոհվել։ Դեպքը տեղի է ունեցել, երբ լրատվամիջոցի նկարահանող խումբը լուսաբանում էր մահացու ելքով ավտոբուսի վթարը, գրում է France 24-ը:
Չաթսվորթ շրջանում ամենագնացը բախվել է ավտոբուսին՝ երեք մարդու մահվան պատճառ դառնալով, բազմաթիվ վիրավորներ կան։ Նշվում է, որ Լոս Անջելեսում լրատվամիջոցները սովորաբար ուղղաթիռներով օդից են լուսաբանում խոշոր պատահարները։
Ավտոբուսի վթարի վայրում գտնվող լրագրողները հայտնել են, որ ուժեղ պայթյունանման ձայն են լսել։ Ուղղաթիռում գտնվող անձանց ինքնությունը դեռևս չի հաստատվել, սակայն ոստիկանությունը վաղ առավոտյան հաստատել է, որ այն լրատվամիջոցի ուղղաթիռ է եղել։ Տեղական NBC4 հեռուստաընկերությունը ուղիղ եթերում հայտնել է, որ չի կարողացել կապ հաստատել ուղղաթիռի անձնակազմի հետ։
«Մենք գիտեինք, որ դա լրատվամիջոցի ուղղաթիռ է։ Գիտեինք, որ կորցրել ենք կապը տեղում գտնվող մեր աշխատակիցների հետ, և հենց նոր հաստատում ստացանք»,- եթերում հաղորդել է Քոլին Ուիլյամսը։
Լոս Անջելեսի հրշեջ ծառայության տվյալներով՝ դեպքի վայր են ուղարկվել տասնյակ հրշեջներ։
«Զննվել է չորս տուժած։ Նրանցից երեքի մահն արձանագրվել է դեպքի վայրում։ Մեկ տուժած տեղափոխվել է տեղի հիվանդանոց՝ անհայտ վիճակում»,- ասվում է հաղորդագրության մեջ։
Լրատվամիջոցների ուղղաթիռում սովորաբար երկու մարդ է լինում՝ օդաչուն և լրագրող-օպերատորը, որն ուղիղ եթերում հաղորդումներ է վարում օդից։
Թարգմանությունը՝ Էմմա Չոբանյանի
