31.08.2026 | 11:19
Ավելի քան 4000 երեխայի համար Հայաստանում հասանելի են ցերեկային խնամքի և աջակցության ծառայություններ
Նիկոլ Փաշինյանի մասնակցությամբ Գյումրիում բացվեց «Սասստեքս» տեքստիլ գործարանը. ՏԵՍԱՆՅՈՒԹ
Քաղաքականություն
07.12.2018 | 14:20
ՀՀ վարչապետի պաշտոնակատար Նիկոլ Փաշինյանը դեկտեմբերի 7-ին Գյումրիում մասնակցեց «Սասստեքս» տեքստիլ գործարանի բացմանը:
Բացման ժամանակ ունեցած ելույթում Փաշինյանը նշեց. «Վերջին մեկ շաբաթվա ընթացքում արդեն երկրորդ գործարանի բացման կամ մեկնարկի եմ մասնացկում, որոնք ունեն նույն առանձնահատկությունը. դրանք բացվել են սփյուռքահայ մեր հայրենակիցների ներդրմամբ: Սա հարյուր տոկոսով համապատասխանում է տնտեսական հեղափոխության մեր պատկերացումներին, երբ մարդիկ, ովքեր որևէ կապ չունեն քաղաքականության հետ կամ տնտեսական կապ՝ կառավարության հետ, իրենց վրա վերցնում են պատասխանատվություն և անում են իրենց քայլը»:
Նրա խոսքով՝ այդ քայլն անելիս նրանք նաև պահանջատեր են կառավարությունից, որպեսզի գործադիրն առավել նպաստավոր պայմաններ ստեղծի նման գործունեության համար, նենրդրումների համար, զարգացման համար:
«Եվ այն քննադատությունները, որոնք այս համատեքոստում հնչում են կառավարության հասցեին այն առումով, որ ինչ-որ բան դանդաղ է արվում, ինչ-որ բան անհրաժեշտ ուշադրության չի արժանանում, հավատացեք, հաճելի քննադատություններ են»,- հավելեց վարչապետի պաշտոնակատարը:
Մանրամասները՝ տեսանյութում
