24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ռուսաստանը ստիպված է մեծացնել Հարավային ռազմական շրջանի իր մարտական կարողությունները. Շոյգու
Քաղաքականություն
26.07.2017 | 20:00
Ռուսաստանը ստիպված է մեծացնել Հարավային ռազմական շրջանի իր մարտական կարողությունները և համաչափ քայլեր ձեռնարկել ազգային անվտանգության սպառնալիքները չեզոքացնելու համար. հայտարարել է ՌԴ պաշտպանության նախարար Սերգեյ Շոյգուն՝ փոխանցում է ria.ru-ն:
«Այս պայմաններում Ռուսաստանը ստիպված է համաչափ քայլեր ձեռնարկել ազգային անվտանգության սպառնալիքները չեզոքացնելու համար, ռազմավարական զսպման քայլեր նախաձեռնել, ավելացնել Հարավային ռազմական շրջանի մարտական կարողությունները»,- ասել է Շոյգուն ռազմական գերատեսչության կոլեգիայի նիստին:
Նրա խոսքերով՝ ապրիլից Ռումինիայում մշտական կարգով տեղակայված է Միացյալ Նահանգների և Մեծ Բրիտանիայի մարտավարական ավիացիայի 16 ինքնաթիռ: Տարվա սկզբից միայն ԱՄՆ-ն իրականացրել է 130 հետախուզական թռիչք Ռուսաստանի հարավային սահմանների մոտ: Բացի այդ մի քանի օր առաջ Սև ծովի արևմտյան ափին ավարտվել են ՆԱՏՕ-ի զորավարժությունները, որոնց մասնակցում էր 22 երկրներից 25 հազար զինծառայող:
