Հայաստան-Թուրքիա սահմանի թուրքական Ալիջան անցակետի բացման ​​շինաշխատանքները շարունակվում են. ԼՈՒՍԱՆԿԱՐՆԵՐ

Թուրքիայի և Հայաստանի միջև հարաբերությունների կարգավորման գործընթացին համապատասխան՝ Իգդիրի Ալիջան սահմանային անցակետում շարունակվում են նախապատրաստական ​​աշխատանքները:  Թուրքական լրատվամիջոցների հաղորդմամբ՝ սահմանային անցակետ տանող 7 կիլոմետրանոց ճանապարհի երկայնքով, որը փակ է 1952 թվականից, իրականացվում են ճանապարհի լայնացման, կայանատեղիի և բեռնատարների կայանման մշակման նախագծեր: Բացի այդ՝ օդանավակայանի խաչմերուկում տեղադրվել են սահմանային անցակետ տանող ուղղությունը ցույց տվող նոր տեղեկատվական ցուցանակներ:

Նախապատրաստական ​​գործընթացի մասին տեղեկատվություն տրամադրելով՝ Իգդիրի առևտրաարդյունաբերական պալատի (ITSO) տնօրենների խորհրդի նախագահ Քամիլ Արսլանը նշել է, որ առկա ենթակառուցվածքները բարելավելու նպատակով  աշխատանքները շարունակվում են։ Արսլանն ասել է. «Ներկայումս  աշխատանքներն ընթացքի մեջ են։ Ընթացքի մեջ է 7 կիլոմետրանոց ճանապարհաշինարարական նախագիծը։ Աշխատանքները շարունակվում են ամբարտակի, լայնացման, կայանատեղիի և բեռնատարների կայանատեղիի նախագծերի իրականացման ուղղությամբ։ Արդյունքում, մենք ունենք սահմանային կամուրջ, որը դեռևս մեր միջև է։ Աշխատանքներ են տարվում նաև այս կամուրջը բարելավելու և լայնացնելու ուղղությամբ»։

Նա նաև նշել է, որ սահմանային անցակետի համար առևտրային կոդեքս է թողարկվել, որը կարևոր քայլ է արտահանողների համար, և ասել է.

«Առևտրային կոդ է թողարկվել: Վրաստանի և Իրանի միջոցով նախկինում իրականացվող արտահանումները այժմ կարող են իրականացվել անմիջապես այստեղից՝ բացված արտահանման հայտարարագրերով և առևտրային կոդի միջոցով արտահանմամբ: Սահմանային անցակետի բացումը դրական մթնոլորտ է ստեղծել այս տարածաշրջանում: Ակնհայտ է, որ այն կնպաստի տարածաշրջանին առևտրի, մշակույթի, հասարակական կյանքի, զբոսաշրջության և տնտեսության առումով»:

Արսլանը հայտարարել է, որ ի աջակցում են Ադրբեջանի և Հայաստանի միջև հակամարտության ավարտից հետո սահմանային անցակետի բացման ուղղությամբ ձեռնարկված քայլերին։

«Ադրբեջանի և Հայաստանի միջև հակամարտության ավարտով մենք այժմ ընդունում ենք դարպասի բացումը: Մենք աջակցում ենք մեր Արտաքին գործերի նախարարության կողմից վարվող քաղաքականությանը: Մենք գնահատում ենք դա: Ակնհայտ է, որ  սահմանային դարպասի բացումը առաջիկա ժամանակահատվածում կարևորություն կստանա առևտրի, զբոսաշրջության, մշակութային և սոցիալական ասպեկտների առումով»,-հայտարարել է նա։

Թարգմանությունը՝ Էմմա  Չոբանյանի