08.09.2026 | 20:17
Պատրաստ եմ Ձեզ հետ մեկնել Բաքու. Ռուբեն Վարդանյանի կինը դիմել է Ալեն Սիմոնյանին
Անթալիայում մոլեգնում են անտառային հրդեհները, բնակիչները տարհանվում են․ՏԵՍԱՆՅՈՒԹ
Քաղաքականություն
08.09.2026 | 18:45
Անթալիայում մոլեգնում են անտառային հրդեհները։ Աքսու և Քեփեզ շրջաններում գիշերը բռնկված հրդեհը քամու պատճառով տարածվել է մեծ տարածքի վրա, գրում է TRT Haber-ը։ Աքսու շրջանի Քարաոզ թաղամասի մոտ գտնվող անտառային տարածքում բռնկված հրդեհը քամու պատճառով տարածվել է Քեփեզi շրջան։
Քանի որ կրակը մոտեցել է բնակելի թաղամասերին, բազմաթիվ տների բնակիչներ տարհանվել են։ Անթալիայից Քարաոզ մուտքի մոտ ավտոճանապարհը փակվել է տրանսպորտային միջոցների համար։ Հրդեհի հետևանքով 5 տուն և որոշ ջերմոցներ դարձել են անօգտագործելի։ Այրվող տներից մեկում գտնվող երեք հաշմանդամություն ունեցող անձինք տուժել են ծխից։ Նրանք շտապօգնության մեքենայով տեղափոխվել են հիվանդանոց։
Նշվում է, որ մասնավոր ընկերության էքսկավատորը, որը օգնում էր մարել հրդեհը, շրջվել է առվի մեջ։ Վթարի հետևանքով վիրավորված վարորդը տեղափոխվել է հիվանդանոց։
Գիշերը բռնկված հրդեհը մարվել է 12 հրշեջ մեքենաների, չորս հրշեջ մեքենաների և վեց ջրցանների օգնությամբ։
Թուրքական լրատվամիջոցների հաղորդմամբ՝ Անթալայիայի Աքսու և Քեփեզ շրջաններում բռնկված հրդեհի դեմ պայքարում ներգրավված է 3 ինքնաթիռ, 9 ուղղաթիռ, 110 հրշեջ մեքենա և 610 փրկարար։
Թարգմանությունը՝ Էմմա Չոբանյանի
