27.08.2026 | 19:13
ԵՄ-ում առաջարկում են ՌԴ-ի 200 մլրդ եվրոյի սառեցված ակտիվներն Ուկրանիայի համար օգտագործելու նոր տարբերակներ գտնելու համար
Արտաքին գործերի և «какой-нибудь» առևտրի, տիտղոսային անվանմամբ նախարարությանը առևտուր եք ավելացնում․ Մամիկոն Ասլանյան․ ՏԵՍԱՆՅՈՒԹ
Քաղաքականություն
27.08.2026 | 17:37
ԱԺ-ում Կառավարության կառուցվածքի փոփոխությունների նախագծի քննարկման ժամանակ ընդդիմադիր պատգամավոր Մամիկոն Ասլանյանը արդարադատության նախարար Սրբուհի Գալյանից հետաքրքրվեց, թե ինչու են ԱԳՆ-ի անվանման և գործառույթների մեջ ավելացնում արտաքին առևտրի բաղադրիչը։ Նա նշեց, որ ԱԳՆ-ն յուրաքանչյուր պետության կարևորագույն և առանցքային կառույցներից է։
«Արտաքին գործերի նախարարությունը ցանկացած պետական կառուցվածքում շատ առանցքային և տիտղոսավոր նախարարություն է։ Իսկ դրան հիմա կցել առևտուր… անվանման մեջ մեր արտաքին գործերը կապվում են ինչ-որ ասոցիատիվ առևտրի հետ։ Հնչողության առումով ստացվում է՝ Արտաքին գործերի և «какой-нибудь» առևտրի… Տնտեսությամբ զբաղվող փոխվարչապետ կա, Էկոնոմիկայի նախարարություն կա, ներդաշնակեցման միջոցով կարելի էր լուծել, ոչ թե տիտղոսային նախարարությանն առևտուր ավելացնել»,- նշեց Ասլանյանը։
Նախագիծը ներկայացնող Արդարադատության նախարար Սրբուհի Գալյանը չհամաձայնեց ընդդիմադիր պատգամավորի դիտարկմանը՝ պարզաբանելով, որ փոփոխությունը բխում է պետության նոր առաջնահերթություններից և միջազգային լավագույն փորձից։
Մանրամասները՝ տեսանյութում։
Անի Թամրազյան
