Հայաստանի ներկայացուցիչ Էլինա Ավանեսյանն անհաջող է մեկնարկել թենիսի ԱՄՆ-ի բաց առաջնության որակավորման փուլում:
US Open-ի որակավորման փուլի քառորդ եզրափակիչում 23-ամյա թենիսիստը 3:6, 6:7 հաշվով պարտվել է աշխարհի 142-րդ ռակետ, իսպանացի Անդրեա Լազարո Գարսիային ու դուրս մնացել պայքարից: Գարսիայի հաջորդ մրցակիցը կլինի ճապոնցի Մաի Հոնտաման:
Հայաստանի մեկ այլ ներկայացուցիչ Ալինա Չառաևան որակավորման փուլում կմեկնարկի շվեյցարացի Սյուզան Բենդեկիի դեմ մրցախաղով:
Կանանց թենիսի ասոցիացիայի (WTA) դասակարգման աղյուսակում Էլինա Ավանեսյանը 159-րդ տեղում է, իսկ Ալինա Չառաևան 108-րդն է:
Դավիթ Եղիազարյան
