20.08.2026 | 12:19
ԱՄՆ-ը Հորմուզի նեղուցում գաղտնի երթուղի է ստեղծել, որի միջոցով միլիոնավոր բարել նավթ է տեղափոխվում․ Axios
COP17-ի կազմակերպչական կոմիտեն քննարկել է գագաթնաժողովի և ենթակառուցվածքների նախապատրաստումը
20.08.2026 | 10:17
Շրջակա միջավայրի նախարար Համբարձում Մաթևոսյանի մասնակցությամբ կայացել է CBD COP17 համաժողովի կազմակերպչական կոմիտեի հերթական նիստը։ Քննարկվել են Առաջնորդների գագաթնաժողովի և բարձր մակարդակի հանդիպումների կազմակերպումը, «Մերիդիան» էքսպոկենտրոնի նախապատրաստական աշխատանքները, ինչպես նաև առողջապահական և համաճարակների կանխարգելման միջոցառումները։
«Նիստի ընթացքում Շրջակա միջավայրի նախարար Համբարձում Մաթևոսյանը գործընկերների հետ քննարկել են Առաջնորդների գագաթնաժողովի և բարձր մակարդակի հանդիպումների կազմակերպչական հարցերը՝ անդրադառնալով աշխատանքային խմբերի ընթացիկ աշխատանքներին և առաջիկա անելիքներին։
Առանձին անդրադարձել են «Մերիդիան» էքսպոկենտրոնում իրականացվող ընթացիկ աշխատանքներին, տարածքի նախապատրաստման և ենթակառուցվածքների բարեկարգման ընթացքին, ինչպես նաև Երևանի քաղաքապետարանի կողմից իրականացվող աշխատանքներին։
Քննարկել են նաև առողջապահական և համաճարակների կանխարգելման միջոցառումների կազմակերպման, բուժկետերի տեղակայման և անհրաժեշտ պայմանների ապահովման հետ կապված հարցերը։
CBD COP17-ի նախապատրաստական աշխատանքները շարունակվում են ինտենսիվ ռեժիմով․ բոլոր ուղղություններով հետևողականորեն առաջ է տարվում կազմակերպչական և ենթակառուցվածքային աշխատանքները՝ համաժողովը պատշաճ մակարդակով անցկացնելու համար»,- ասված է հաղորդագրությունում։
