19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Հրանտ Մարգարյանը ԱԱԾ-ից ծանուցագիր չի ստացել
Քաղաքականություն
05.12.2018 | 14:33
ՀՅԴ Բյուրոյի ներկայացուցիչ Հրանտ Մարգարյանը վերջերս իր հարցազրույցներից մեկում նշել էր, որ կրկնում է այն, ինչ ասել է ավելի վաղ՝ «2018-ի մայիսից այս կողմ Հայաստանին զենք չի մատակարարվել»:
Ի պատասխան Հրանտ Մարգարյանի՝ վարչապետի պաշտոնակատար Նիկոլ Փաշինյանը նշել էր, որ ուզում է հիասթափեցնել ՀՅԴ բյուրոյի ներկայացուցչին։
«Հայաստանին զենքի մատակարարումն ընթանում է բնականոն, պլանավորված ձևով»,- ասել էր Փաշինյանը և ավելի ուշ հայտարարել, որ քաղաքական ուժերի հայտարարություններով այլևս պետք է զբաղվեն նաև Ազգային անվտանգության ծառայությունը և ռազմական հակահետախուզությունը, որովհետև ոմանք, որոշ մարդիկ շատ վստահ քայլերով շարժվում են դեպի պետական դավաճանություն։
Factor.am-ը փորձեց Հրանտ Մարգարյանից պարզել՝ արդյոք Ազգային անվտանգության ծառայություն հրավիրվելու ծանուցագիր ստացե՞լ է իր վերը նշած հայտարարության վերաբերյալ և պատրա՞ստ է արդյոք ԱԱԾ ներկայացնել իր ասածն ապացուցող փաստեր, վերջինս պատասխանեց. «Ես Ազգային անվտանգության ծառայությունից որևէ ծանուցագիր չեմ ստացել»:
Հարցին՝ ստանալու պարագայում պատրա՞ստ է ԱԱԾ գնալ փաստերով, Հրանտ Մարգարյանը չպատասխանեց և խորհուրդ տվեց չընդահատել իր մարզային քարոզարշավը։
Հիշեցնենք, որ այսօր արդեն ԱԱԾ-է հրավիրվել Հանրապետական կուսակցության պատգամավորի թեկնածու Դավիթ Շահնազարյանը։
