14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Ֆրանսիայի Սահմանադրական խորհուրդը չեղարկել է մինչև 15 տարեկանների համար սոցցանցերի արգելքը
Քաղաքականություն
14.08.2026 | 23:07
Ֆրանսիայի Սահմանադրական խորհուրդը հակասահմանադրական է ճանաչել մինչև 15 տարեկան երեխաների համար սոցիալական ցանցերից օգտվելու արգելքը սահմանող օրենքը։ DW-ի փոխանցմամբ՝ բարձրագույն սահմանադրական վերահսկողության մարմինը գտել է, որ օրենքը անհամաչափ սահմանափակում է մինչև 15 տարեկանների խոսքի և հաղորդակցության ազատությունը, ինչպես նաև բավարար իրավական երաշխիքներ չի ապահովում։ Խորհուրդը նաև մտահոգություններ է հայտնել գաղտնիության պաշտպանության և տարիքային ստուգման համար անհրաժեշտ իրավական երաշխիքների վերաբերյալ։
Օրենքը, որը Ֆրանսիայի խորհրդարանն ընդունել էր հուլիսին և նախատեսվում էր ուժի մեջ մտցնել սեպտեմբերից, արգելում էր մինչև 15 տարեկաններին սոցիալական ցանցերում օգտահաշիվներ ստեղծել։ Օրենսդրությունը նախատեսում էր նաև օգտատերերի տարիքի ստուգման մեխանիզմներ։
Ֆրանսիայի նախագահ Էմանուել Մակրոնը, որը ակտիվորեն աջակցում էր նախաձեռնությանը, հանձնարարել է վարչապետ Սեբաստիեն Լեկորնյուին մշակել օրենքի նոր՝ իրավական պահանջներին համապատասխան տարբերակը։ Մակրոնի՝ անչափահասներին սոցիալական ցանցերի հնարավոր վնասներից պաշտպանելու և նախատեսված բարեփոխումն իրականացնելու վճռականությունը, Ելիսեյան պալատի փոխանցմամբ, չի փոխվել։
Նոր օրինագիծը պետք է հաշվի առնի Սահմանադրական խորհրդի ներկայացրած իրավական խնդիրները և համապատասխանեցվի սահմանադրական ու եվրոպական պահանջներին։
