21.10.2026 | 10:47
ՊԵԿ-ը պարզաբանել է՝ ինչպես է բացահայտվել ծխախոտի ապօրինի արտահանման դեպքը
Զելենսկին չի կարողանում ԱՄՆ-ում Ուկրաինայի նոր դեսպան գտնել․ Politico
Քաղաքականություն
14.08.2026 | 15:58
Ուկրաինայի նախագահ Վլադիմիր Զելենսկին փորձում է ԱՄՆ-ում Ուկրաինայի նոր դեսպան գտնել, սակայն այդ պաշտոնի բոլոր թեկնածուները մերժում են, Politico-ին հայտնել են Ուկրաինայի բարձրաստիճան պաշտոնական և խորհրդարանական աղբյուրները։
Պատգամավոր Իվաննա Կլիմպուշ-Ցինցաձեն (2016-2019 թվականներին զբաղեցրել է փոխվարչապետի պաշտոնը) ասել է, որ այդ պաշտոնի համար բավարար ազդեցություն և փորձ ունեցող թեկնածուները մտավախություն ունեն, որ «չեն ունենա լիարժեք աշխատանքի համար անհրաժեշտ պայմանները»։ Նա կարծում է, որ թեկնածուն պետք է լինի Զելենսկիի վստահելի մերձավոր շրջապատից վստահելի անձ, սակայն նրանց շրջանում չկա մեկը, որը համապատասխանում է պահանջներին։
«Ասել, որ ոչ ոք չի ցանկանում այս աշխատանքը, որոշ չափով չափազանց պարզեցված է։ Իհարկե, կան մարդիկ, որոնք ցանկանում են այդ պաշտոնը, բայց ոչ ոք իրականում չի համապատասխանում»,- ասել է ուկրաինացի նախկին դիվանագետը։
Նրա պնդմամբ՝ Զելենսկին «դժվարանում է համալրել այդ պաշտոնը»։
Հուլիսին Վլադիմիր Զելենսկին ԱՄՆ-ում Ուկրաինայի դեսպանի պաշտոնը առաջարկել էր պաշտոնից ազատված վարչապետ Յուլիա Սվիրիդենկոյին, սակայն նա կտրականապես հրաժարվել է, ասել են Politico-ի աղբյուրները։
Ըստ պարբերականի՝ նշանակումը «դժվար խնդիր» կլինի՝ հաշվի առնելով «Դոնալդ Թրամփի անկանխատեսելի Սպիտակ տունը»։
2022 թվականին լայնածավալ պատերազմից առաջ ԱՄՆ-ում Ուկրաինայի դեսպանի պաշտոնը զբաղեցնում էր Օքսանա Մարկարովան, որն այդ պաշտոնում մնացել է Ջո Բայդենի նախագահության ժամկետի գրեթե ամբողջ ընթացքում։ 2025 թվականի օգոստոսին Զելենսկին դեսպան է նշանակել Օլգա Ստեֆանիշինային, որը նախկինում զբաղեցրել է փոխվարչապետի պաշտոնը։
Ստեֆանիշինան դեսպանի պաշտոնից ազատվել է 2026 թվականի օգոստոսի սկզբին։ Նա հայտարարել է, որ հրաժարական է տվել սեփական ցանկությամբ՝ «անձնական հանգամանքներից ելնելով»։ Երկու օր անց Ուկրաինայի հակակոռուպցիան մարմինները Ստեֆանիշինային մեղադրել են ապօրինի հարստացման և իր ակտիվների հայտարարագրում կեղծ տեղեկություններ ներկայացնելու մեջ։
