21.10.2026 | 11:37
Դավիթ Ղազինյանի ճեպազրույցը՝ ՈՒՂԻՂ
Ուիթկոֆը ժամանել է Սանկտ Պետերբուրգ․ նա Պուտինին կներկայացնի պատերազմը դադարեցնելու՝ «թարմացված ծրագիրը»
Քաղաքականություն
21.10.2026 | 10:39
ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆը ժամանել է Սանկտ Պետերբուրգ։ Այս մասին հայտնել են ՏԱՍՍ և ՌԻԱ Նովոստի գործակալությունները, փոխանցում է Meduza-ն։
Պուլկովո օդանավակայանում Ուիթկոֆին դիմավորել է ՌԴ նախագահի հատուկ ներկայացուցիչ Կիրիլ Դմիտրիևը։ Կարճ ժամանակ անց նրանց ավտոշարասյունը լքել է օդանավակայանի տարածքը։
Թրամփի ներկայացուցիչը Սանկտ Պետերբուրգում կհանդիպի Ռուսաստանի նախագահ Վլադիմիր Պուտինի հետ։ Սպասվում է, որ հանդիպմանը տեսակապի միջոցով կմասնակցի նաև ամերիկացի մեկ այլ բանակցող՝ Ջարեդ Քուշները։
Հոկտեմբերի 20-ին Թրամփի բանակցողներն Օսլոյում հանդիպել էին Ուկրաինայի նախագահ Վլադիմիր Զելենսկիի ու եվրոպական երկրների ներկայացուցիչների հետ։ Հանդիպումից հետո Նորվեգիայի վարչապետ Յոնաս Գար Ստյորեն հայտարարել էր, որ Ուիթկոֆը Պուտինի հետ կքննարկի եվրոպացի և ամերիկացի գործընկերների պատրաստած առաջարկները և, հնարավոր է, հող կնախապատրաստի առաջնորդների մակարդակով հանդիպման համար։
Politico-ի տվյալներով՝ Ուիթկոֆը Պուտինին կառաջարկի ուղիղ բանակցություններ վարել Թրամփի և Զելենսկիի հետ։ Իսկ Axios-ը, հղում անելով Սպիտակ տան ներկայացուցչին, հայտնել է, որ Ուիթկոֆը Պուտինին կներկայացնի ռուս-ուկրաինական պատերազմը դադարեցնելու թարմացված ծրագիրը։
Թարգմանությունը՝ Էմմա Չոբանյանի
