21.10.2026 | 13:25
TRIPP-ի լայնությունը ինչքա՞ն է․ գազամուղ, նավթամուղ մի տեղ են լինելու, թե՞ ցրված են․ Վարդանյան․ ՏԵՍԱՆՅՈՒԹ
ՌԴ ԱԳՆ-ն մերժել է Սև ծովում Ուկրաինայի հետ հրադադար հաստատելու առաջարկը
Քաղաքականություն
14.08.2026 | 15:32
Ռուսաստանի արտաքին գործերի նախարարությունը հայտարարել է, որ «պատճառ չի տեսնում» Սև ծովում Ուկրաինայի հետ փոխադարձ հրադադարի համաձայնության համար։ Մոսկվայի այս դիրքորոշումը փոխանցել է ԱԳՆ պաշտոնական ներկայացուցիչ Մարիա Զախարովան՝ ի պատասխան հարցին՝ արդյո՞ք ռուսական կողմը ստացել է Թուրքիայի առաջարկը՝ Սև ծովում ռազմական գործողությունների մորատորիում մտցնելու վերաբերյալ և արդյո՞ք պատրաստ է այն քննարկել այն։
Օգոստոսի 8-ին Թուրքիայի արտաքին գործերի նախարար Հաքան Ֆիդանը «Անադոլու» գործակալությանը տված հարցազրույցում ռուսական և ուկրաինական կողմերին կոչ էր արել ստեղծել Սև ծովում հրադադար հայտարարելու մեխանիզմ։ Զախարովան, հղում անելով Ֆիդանի առաջարկին, հայտարարել է, որ Ռուսաստանը պարբերաբար բախվում է «ուկրաինական զինված ուժերի անօդաչու թռչող սարքերի կողմից քաղաքացիական նավերի դեմ իրականացվող անզուսպ ահաբեկչական գործողությունների»։
«Միաժամանակ, մենք չենք տեսնում իրավիճակի բարելավման որևէ նախադրյալ, հետևաբար նաև՝ որևէ հիմք մասնակի միջոցառումների համար, որոնք պարզապես ժամանակավորապես կհանգստացնեն Կիևի ռեժիմին»,- հայտարարել է Զախարովան։
Ավելի վաղ Reuters-ը հայտնել էր, որ Ուկրաինան Ռուսաստանին առաջարկ է ներկայացրել Սև ծովում քաղաքացիական թիրախների վրա հարձակումները փոխադարձաբար դադարեցնելու վերաբերյալ։ Աղբյուրների համաձայն՝ Կիևը միջնորդի միջոցով է առաջարկը փոխանցել Մոսկվային, սակայն դեռևս պատասխան չի ստացել։
