16.03.2026 | 14:26
Հունահռոմեական ոճի ըմբշամարտի Հայաստանի Մ-23 հավաքականը 2-րդն է ԵԱ-ի թիմային պայքարում․ ԼՈՒՍԱՆԿԱՐ
Նախագահ Արմեն Սարգսյանը Մեծ Բրիտանիայում և Ավստրիայում դեսպաններ է նշանակել
Քաղաքականություն
28.11.2018 | 18:31
ՀՀ նախագահ Արմեն Սարգսյանի հրամանագրով՝ Արման Կիրակոսյանը հետ է կանչվել Եվրոպայի անվտանգության և համագործակցության կազմակերպությունում Հայաստանի Հանրապետության առաքելության ղեկավարի, Վիեննայում Միավորված ազգերի կազմակերպության գրասենյակում և այլ միջազգային կազմակերպություններում Հայաստանի Հանրապետության մշտական ներկայացուցչի պաշտոններից:
Մեկ այլ հրամանագրով Արման Կիրակոսյանը նաև հետ է կանչվել Ավստրիայի Հանրապետությունում Հայաստանի Հանրապետության արտակարգ և լիազոր դեսպանի պաշտոնից: Նույն պաշտոնում նշանակվել է Արմեն Պապիկյանը (նստավայրը՝ Վիեննա):
ՀՀ նախագահի ՆՀ-505-Ա հրամանագրով Արման Կիրակոսյանը նշանակվել է Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան (նստավայրը՝ Լոնդոն):
Նշենք, որ Հայաստանն այս տարեսկզբից Միացյալ Թագավորությունում դեսպան չուներ: 2013 թվականից Հայաստանի դեսպանն Արմեն Սարգսյանն էր, որը հետ կանչվեց այդ պաշտոնից, իսկ 2018 թ. մարտի 2-ին Ազգային ժողովի կողմից ընտրվեց ՀՀ նախագահի պաշտոնում:
