16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
21.06.2026 | 02:11
ԱՄՆ-ում, Կանադայում և Մեքսիկայում ընթացող ֆուտբոլի աշխարհի առաջնության երկրորդ տուրում Գերմանիայի հավաքականը 2:1 հաշվով պարտության մատնեց Կոտ դ՛Իվուարի հավաքականին (տեսանյութ)։
E խմբի խաղում կոտդիվուարցիներն առաջին խաղակեսից հետո հաշվի մեջ առջևում էին սաուդյան «Ալ Ահլիի» կիսապաշտպան Ֆրանկ Կասիեի գոլի շնորհիվ, բայց ընդմիջումից հետո գերմանացիները հասան կամային հաղթանակի։
Բունդեսթիմի կազմում դուբլի հեղինակ դարձավ 60-րդ րոպեին փոխարինման դուրս եկած Դենիզ Ունդավը։ «Շտուտգարտի» կիսապաշտպանն աչքի ընկավ 68-րդ րոպեին ու ավելացված ժամանակում։
Գերմանիայի հավաքականը վաստակեց 6 միավոր և ապահովեց փլեյ-օֆֆի ուղեգիր։ Կոտ դ՛Իվուարի հավաքականը 3 միավորով երկրորդն է։ E խմբի մյուս խաղում կմրցեն Էկվադորի ու Կյուրասաոյի հավաքականները, որոնք պարտվել են առաջին տուրում։
Հիշեցնենք, որ նախորդ երկու աշխարհի առաջնություններում գերմանացիները չէին կարողացել դուրս գալ փլեյ-օֆֆ։
ԱԱ-2026, առաջին տուր
E խումբ
Գերմանիա – Կոտ դ՛Իվուար` 2:1
Դենիզ Ունդավ, 68, 90+4 – Ֆրանկ Կասիե, 30
