23.10.2026 | 15:46
Ընտրակաշառքի գործով ձերբակալվել է ևս 10 անձ․ մեղադրյալների թիվը հասել է 24-ի
Ավտոբուսի վթարի հետևանքով հոսպիտալացվածներ չկան․ քրեական վարույթ է նախաձեռնվել
18.06.2026 | 17:38
Աշտարակ-Սասունիկ ճանապարհին երեկ գրանցված ավտոբուսի վթարի հետևանքով հոսպիտալացվածներ այս պահին չկան։ Այս մասին Factor.am-ի հարցին ի պատասխան ասաց Առողջապահության նախարարության մամուլի քարտուղար Մարիամ Ծատրյանը։
Նա հայտնեց, որ տուժած 30 երեխաներից երեքը տեղափոխվել էին Երևան լրահետազոտման, որից հետո դուրս են գրվել։
Նշենք, որ վթարի հետևանքով բուժօգնության էր դիմել նաև 6 մանկահասակ երեխա։
Հիշեցնենք՝ երեկ ՆԳՆ ոստիկանությունը հայտնել էր, որ ժամը 12։12-ի սահմաններում, Պարեկային ծառայության կարգախմբից ՆԳՆ 112 օպերատիվ կառավարման կենտրոն հաղորդում է ստացվել, որ Արագածոտնի մարզի Սասունիկ բնակավայրում ճանապարհատրանսպորտային պատահար է տեղի ունեցել, կան տուժածներ։
«Պարզվել է, որ դպրոցական երեխաներին էքսկուրսիա տանող ավտոբուսը Աշտարակ-Սասունիկ ճանապարհին կողաշրջվել է։ Նախնական տվյալներով՝ երեխաներն ու մեծահասակաները ստացել են համապատասխան բուժօգնություն, երեք երեխա տեղափոխվել է Երևան՝ լրահետազոտման»,- հայտնել էր ոստիկանությունը։
ՔԿ-ից Factor.am-ին հայտնեցին, որ դեպքի առթիվ նախաձեռնվել է քրեական վարույթ՝ ճանապարհային երթևեկության անվտանգության ապահովմանն ուղղված պահանջները կամ տրանսպորտային միջոցների շահագործման անվտանգությունն ապահովող կանոնները խախտելու հատկանիշներով։
Արփի Հակոբյան
