04.09.2026 | 19:14
Պետք է ձևավորենք ջրային ոլորտի բարեփոխումների ճանապարհային քարտեզ. վարչապետ
Դավիթ Շահնազարյանը ստանձնել է հանցագործ ռեժիմի փաստաբանի դերը. Արարատ Միրզոյան. ՏԵՍԱՆՅՈՒԹ
Քաղաքականություն
28.11.2018 | 12:31
Դավիթ Շահնազարյանը ստանձնել է հանցագործ ռեժիմի փաստաբանի դերը: Այսօր՝ նոյեմբերի 28-ին, լրագրողների հետ զրույցում այս մասին ասաց ՀՀ առաջին փոխվարչապետի պաշտոնակատար Արարատ Միրզոյանը՝ անդրադառնալով Նիկոլ Փաշինյանի կառավարության մասին Շահնազարյանի հայտարարությանը:
«Ես, անկեղծ ասած, մեծ տարակուսանք ապրեցի, երբ իմացա, որ Դավիթ Շահնազարյանը ՀՀԿ-ի նախընտրական ցուցակում է, և հիմա էլ շարունակում եմ տարակուսանք ապրել՝ տեսնելով, թե ինչպիսի ջերմեռանդությամբ է տասնամյակներ շարունակ ընդդիմադիրի և քաղհալածյալի դրոշ ծածանած մարդը ստանձնել հանցագործ ռեժիմի փաստաբանի դերը: Ավելի մեկնաբանություններ այս պահին ինձ թույլ չտամ»,- նշեց Արարատ Միրզոյանը:
Ինչ վերաբերում է քարոզարշավի ժամանակ Նիկոլ Փաշինյանի կողմից քաղաքացուն գորգ խոստանալուն և դրան հետևած արձագանքին. պաշտոնյան վստահեցնում է, որ քվեի ակնկալիք չի եղել:
«Փաշինյանը մի քաղաքացու կեսկատակ-կեսլուրջ գորգ է խոստացել: Անշուշտ, պիտի հասկանանք, որ գորգը խոստացել է ո՛չ այդ մարդու քվեի համար: Կա՞ նման մարդ, որն այդպես է կարծում: Վարչապետ Փաշինյանի ասածի իմաստը հետևյալն էր, որ այ՝ հիմա մի խնդիր շատ կոնկրետ կարելի է հեշտությամբ լուծել»,- նշեց Միրզոյանը:
Մանրամասները՝ տեսանյութում:
