16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Պուտինը նշել է Ուկրաինայի պատերազմին մասնակցող ռուսական զորքերի թիվը
Քաղաքականություն
12.06.2026 | 21:04
Ռուսաստանի օրվա կապակցությամբ նախագահ Վլադիմիր Պուտինը Կրեմլում հանդիպում է անցկացրել «հատուկ ռազմական գործողության» (ՌԴ-ում այդպես են անվանում Ուկրաինայի դեմ պատերազմը) մասնակիցների և «գրոհայինների»։ Հանդիպման ընթացքում նա նշել է հակամարտությունում ներգրավված ռուսաստանցի զինվորների թիվը, գրում է BBC-ի ռուսական ծառայությունը։
«Ակնհայտ է, որ մենք այնտեղ մեծ խմբավորում ունենք՝ ավելի քան 700,000 մարդ»,- Պուտինի խոսքերն է մեջբերում «Ինտերֆաքսը»։
Հանդիպմանը մասնակցել է նաև ՌԴ պաշտպանության նախարար Անդրեյ Բելոուսովը։
Նույն հանդիպման ժամանակ Վլադիմիր Պուտինը մանրամասն խոսել է նաև առաջնագծում անօդաչու թռչող սարքերի մասին՝ ընդգծելով, որ լսել է, թե դրանք լուրջ խնդիր են։
«Ինչ վերաբերում է անօդաչու թռչող սարքերի դեմ պայքարին, իհարկե, մենք լիովին մեզ հաշիվ ենք տալիս, և ձեր հրամանատարները մեզ անընդհատ պատմում են ամեն օր այն մասին, թե ինչ խնդիրներ են մեզ համար ստեղծում անօդաչու սարքերը, և թե ինչ միջոցով են նրանք տեսնում այդ խնդիրը հաղթահարելու հնարավորությունը»,- ասել է Պուտինը։
Նա հավելել է, որ չի մանրամասնի՝ ինչի մասին է խոսքը։
«Ես գիտեմ՝ ինչ է նշանակում որոշ իրավիճակներում գլուխը բարձրացնել, երբ այդ անօդաչու թռչող սարքերը ճանճերի պես պտտվում են»,- ասել է նա։
Պուտինը նաև նշել է, որ Ռուսաստանը մշակում է արհեստական բանականությամբ անօդաչու թռչող սարքեր և FPV անօդաչուներ, կառուցում է ցածր ուղեծրով արբանյակների իր սեփական խումբը՝ Starlink-ին փոխարինելու համար։
««Բյուրո 1440»-ը կառույց է, որը պատասխանատու է ցածր ուղեծրով արբանյակների խմբի համար։ Այն ոչ մի կերպ չի զիջում Starlink-ին, գուցե նույնիսկ գերազանցում է։ Հարցն այն է, թե ինչպես ընդլայնել այս հնարավորությունները։ Մենք աշխատում ենք այդ ուղղությամբ»,- հայտարարել է Ռուսաստանի նախագահը։
Թարգմանությունը՝ Էմմա Չոբանյանի
