ԱՄՆ-Իրան հնարավոր համաձայնագրի ստորագրման արարողությունը, հավանաբար, կկայանա Ժնևում

Լուրեր

22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
Բոլորը

Իրանի հետ փոխըմբռնման հուշագրի ստորագրման արարողությունը, ամենայն հավանականությամբ, կկայանա Ժնևում (Շվեյցարիա), CNN-ին հայտնել են երեք աղբյուրներ։

Սա տեղի է ունեցել այն բանից հետո, երբ ԱՄՆ նախագահ Դոնալդ Թրամփը հինգշաբթի հայտարարել է «մեծ համաձայնագրի» մասին, որը կարող է լուծել Իրանի հետ պատերազմը՝ ենթադրություն հայտնելով, որ այն կավարտվի առաջիկա օրերին: Թրամփը նշել է, որ շուտով, հնարավոր է՝ Եվրոպայում, տեղի կունենա փաստաթղթի ստորագրման արարողություն, որին կմասնակցի փոխնախագահ Ջեյ Դի Վենսը: Այնուամենայնիվ, իրանցի պաշտոնյաները դեռևս չեն հաստատել համաձայնության ձեռքբերումը։

Բանակցություններին տեղյակ երկու աղբյուրներ հայտնել են, որ ստորագրման արարողությունը տեղի կունենա Ժնևում՝ ոչ հեռու այն վայրից, որտեղ Թրամփը և ԱՄՆ պատվիրակությունը Ֆրանսիայում հաջորդ շաբաթ մասնակցելու են G7-ի գագաթնաժողովին։ Աղբյուրներից մեկը հայտնել է, որ ստորագրման արարողությունը կնշանավորի դիվանագիտական ​​բանակցությունների «երկրորդ փուլի» մեկնարկը, քանի որ պաշտոնյաներն աշխատում են փոխըմբռնման հուշագրի իրականացման ուղղությամբ։

Մի քանի աղբյուրներ նշել են, որ հուշագիրը կոչվում է «Իսլամաբադի հռչակագիր»՝ ի նշան Պակիստանի միջնորդական կարևոր դերի ճանաչման: Սակայն ոչինչ հաստատված չէ, իրանական աղբյուրը ենթադրել է, որ քննարկվում է նաև Ավստրիայի մայրաքաղաք Վիեննայի տարբերակը:

ԱՄՆ-ի և Իրանի միջև կնքված ժամանակավոր համաձայնագիրը կերկարաձգի հրադադարը, կվերաբացի Հորմուզի նեղուցը և կհարթի ճանապարհը Իրանի միջուկային ծրագրի շուրջ լրացուցիչ բանակցությունների համար, CNN-ին ասել է իրազեկ դիվանագիտական աղբյուրը։ Նա նշել է, որ երկու կողմերը համաձայնության են եկել փոխըմբռնման հուշագրի տեքստի շուրջ, ինչպես հայտնի է, բայց այն դեռևս վերջնական հաստատում չի ստացել։

Ըստ դիվանագետի՝ համաձայնագրի մի քանի հիմնական կետերն են․

  • Ստորագրման պահից կսկսվի 60-օրյա հրադադար «բոլոր ճակատներում», այդ թվում՝ Լիբանանում։
  • Հորմուզի նեղուցը կվերաբացվի անմիջապես՝ առանց Իրանի կողմից որևէ վճար գանձելու անցման համար։ Այն ապահովում է էներգիայի և առևտրային ապրանքների ազատ հոսքը։ Ջրային ճանապարհով երթևեկությունը կվերադառնա նախապատերազմյան մակարդակին ստորագրումից 30 օր անց։
  • Իրանական նավահանգիստների ԱՄՆ շրջափակումը կվերացվի, և կլինեն պատժամիջոցների որոշակի մեղմացումներ՝ «հիմնված գործարքի առաջընթացի և բարի կամքի շարունակական ներգրավվածության վրա», չնայած այն չի ներառում պատժամիջոցների մեղմացման որոշակի ամսաթիվ։ Համաձայնագիրը «բավարարում է միջուկային հարցի վերաբերյալ ԱՄՆ բոլոր պահանջները», այդ թվում՝ Իրանի կողմից միջուկային զենք ձեռք չբերելու պարտավորությունը, ինչպես նաև Իրանի բարձր հարստացված ուրանի պաշարների հարցը։
  • Փաստաթուղթը կկոչվի «Իսլամաբադի համաձայնագիր»։

Դիվանագետը չի նշել՝ արդյո՞ք համաձայնագիրը ներառում է Իրանի սառեցված միլիարդավոր դոլարների ազատում, ինչն Իրանի հիմնական պահանջն էր, որը, ըստ որոշ տեղեկությունների, խոչընդոտում էր համաձայնագրի կնքմանը: Դիվանագետը նշել է, որ բանակցությունների վերջին օրերին քննարկված թեմաներից էին Հորմուզի նեղուցի կարգավիճակը և Իրանի միջուկային ծրագիրը:

Հավելենք, որ իրանական լրատվամիջոցները, իրենց աղբյուրներին վկայակոչելով, ավելի վաղ ներկայացրել էին հուշագրի դրույթները, որում հենց կետ կա սառեցված ակտիվների ազտտման մասին։

Թարգմանությունը՝ Էմմա Չոբանյանի