10.06.2026 | 18:00
Գագիկ Ծառուկյանն անձեռնմխելի՞ է․ ինչպես է օրենքով կարգավորվում պատգամավորի թեկնածուի նկատմամբ քրեական հետապնդում հարուցելը
«Ռեալը» հաստատել է, որ 150 միլիոն եվրո է առաջարկել Խուլիան Ալվարեսի համար
10.06.2026 | 15:32
Մադրիդի «Ռեալն» «Աթլետիկոյին» 150 միլիոն եվրո է առաջարկել Արգենտինայի հավաքականի հարձակվող Խուլիան Ալվարեսի համար և մերժում ստացել, հաղորդում է ակումբի մամուլի ծառայությունը։
«Աթլետիկոն» շնորհակալություն է հայտնել առաջարկի համար և մերժել այն՝ նշելով, որ ֆուտբոլիստի պայմանագրում նշված է հստակ հրաժարագին։
Մինչև 2030թ․ հունիսի 30-ը նախատեսված պայմանագրով 26-ամյա Ալվարեսի հրաժարագինը կազմում է 500 միլիոն եվրո։
Արգենտինացի հարձակվողը 2024թ․ ամռանն է անգլիական «Մանչեսթեր Սիթիից» տեղափոխվել «Աթլետիկո», որի կազմում ավարտված մրցաշրջանում անցկացրել է 49 հանդիպում, դարձել 20 գոլի ու 9 գոլային փոխանցման հեղինակ։ Transfermarkt-ը 100 միլիոն եվրո է գնահատում Ալվարեսի տրանսֆերային արժեքը։ Ավելի վաղ լուրեր էին շրջանառվում, որ աշխարհի չեմպիոնի ծառայություններով հետաքրքրված են նաև ֆրանսիական ՊՍժ-ն ու կատալոնական «Բարսելոնան»։
