15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Բանավեճ Երևանի ավագանիում. պատճառը Ռաֆայել Լեմկինի պատվին փողոց անվանակոչելու հարցն էր. ՏԵՍԱՆՅՈՒԹ
Տեսանյութեր
27.11.2018 | 11:45
Լեհ իրավագետ Ռաֆայել Լեմկինի պատվին Երևանում փողոց անվանակոչելու հարցն այսօր՝ նոյեմբերի 27-ին հրավիրված ավագանու արտահերթ նիստում բանավեճի առիթ դարձավ:
Օրակարգային հարցերից մեկով առաջարկվեց Լեմկինի անունով կոչել Բաղրամյան պողոտայի 1-ին փակուղին, «Լույս» խմբակցության անդամները, սակայն, դեմ էին և հայտարարեցին, որ չեն մասնակցելու քվեարկությանը:
«Դեռ մի կողմ թողնենք այն, որ փակուղիները չեն անվանակոչվում, բայց այն, որ ինչ-որ մեկին ներկայացնենք՝ սա Լեմկինի անվան փակուղի է, լավ չի հնչում: Եվ ես զարմանում եմ, որ նորից կանգ եք առել այդ փակուղու վրա, երբ Երևանում, պարտադիր չէ՝ կենտրոնում, կարելի էր գտնել փողոց և անվանակոչել կամ անվանափոխել: Դուք ուզում եք հավերժացնել պարոն Լեմկինի հիշատակը, բայց նրա անունով փակուղի կոչելով՝ նրա անունը չի հավերժացվում, վստահեցնում եմ»,- հայտարարեց «Լույս» խմբակցության անդամ Անի Սամսոնյանը:
Հարցը, ամեն դեպքում, քվեարկության դրվեց և հաստատվեց:
Հիշեցնենք, որ Ռաֆայել Լեմկինը հրեական ծագմամբ լեհ իրավագետ է, որն էական ներդրում է ունեցել Ցեղասպանության հանցագործությունը կանխելու և դրա համար պատժի մասին կոնվենցիայի ընդունման գործում:
Մանրամասները՝ տեսանյութում
