28.09.2026 | 12:29
Հայտնի է՝ նոյեմբերի 29-ին որ համայնքներում ՏԻՄ ընտրություններ կանցկացվեն
Տիմուր Գուրցկայա․ «Ինչպես երևում է, «Կրասնոդարն» ընդունել է «Ալ Ահլիի» առաջարկը Սպերցյանի վերաբերյալ»
04.06.2026 | 12:34
Ռուս հայտնի ֆուտբոլային գործակալ Տիմուր Գուրցկայան նոր տեղեկություն է հայտնել Հայաստանի ազգային հավաքականի և ռուսական «Կրասնոդարի» ավագ Էդուարդ Սպերցյանի՝ Սաուդյան Արաբիայի ավարտված առաջնության բրոնզե մեդալակիր «Ալ Ահլի» հնարավոր տեղափոխության վերաբերյալ։
«Սաուդյան Արաբիայից որոշակի հետաքրքրություն կա։ Վերջին տեղեկություններով, «Կրասնոդարը» դեմ չէ, որ Էդիկը քննարկի անձնական պայմանները։ Մենք չգիտենք թվերը, սակայն ինչպես երևում է, «Կրասնոդարն» ընդունել է «Ալ Ահլիի» առաջարկը»,- գործակալի խոսքը մեջբերում է Sport24-ը։
Ավելի վաղ լուրեր էին շրջանառվում, որ սաուդյան ակումբը 25-ամյա կիսապաշտպանին առաջարկել է երեք տարվա պայմանագիր՝ տարեկան 10 միլիոն եվրո աշխատավարձով ու հավելյալ բոնուսներով։
Էդուարդ Սպերցյանը «Կրասնոդարի» սան է, գործող պայմանագիրը նախատեսված է մինչև 2029թ․ հունիսի 30-ը։ Ռուսաստանի ավարտված առաջնությունում 25-ամյա կիսապաշտպանը մասնակցել էր բոլոր՝ 30 խաղերին, դարձել 13 գոլի ու 16 գոլային փոխանցման հեղինակ։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
