03.06.2026 | 19:16
«Եթե ընտրես, մենք կգտնենք քեզ ու քո ընտանիքին․․․»․ ՀԿ-ները սպառնալիքներով նամակներ ու զանգեր են ստանում
Դևիդ Բեքհեմն աստղ կունենա Հոլիվուդի «Փառքի ծառուղում»
03.06.2026 | 16:54
Ֆուտբոլի Անգլիայի հավաքականի նախկին ավագ Դևիդ Բեքհեմը կարժանանա իր անվանական աստղին Հոլիվուդի «Փառքի ծառուղում»։ Հանդիսավոր արարողությունը նախատեսված է հունիսի 12-ին Լոս Անջելես քաղաքում։
Հոլիվուդի առևտրի պալատի մամուլի ծառայության համաձայն՝ միջոցառմանը կմասնակցեն դերասան Թոմ Կրուզը և անվանի ֆուտբոլիստի կինը՝ Վիկտորիա Բեքհեմը։ Աստղի բացման արարողությունը կհամընկնի ԱՄՆ-ի և Պարագվայի հավաքականների միջև կայանալիք հանդիպման օրվա հետ, որը կանցկացվի աշխարհի առաջնության առաջին տուրում։ ԱԱ-2026-ը համատեղ հյուրընկալելու են ԱՄՆ-ը, Կանադան ու Մեքսիկան։
Անգլիական «Մանչեսթեր Յունայթեդի», Մադրիդի «Ռեալի», իտալական «Միլանի» ու ֆրանսիական ՊՍԺ-ի նախկին ֆուտբոլիստը կարիերան ավարտելուց հետո MLS-ի չեմպիոն ամերիկյան «Ինտեր Մայամիի» համասեփականատերն է։ Նա դարձել է Անգլիայի, Իսպանիայի ու Ֆրանսիայի չեմպիոն և հաղթել 1999թ․ Չեմպիոնների լիգայում։
