26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Էդուարդ Սպերցյանն ընդունել է տարեկան 10 միլիոն եվրո աշխատավարձով առաջարկը Սաուդյան Արաբիայից․ աղբյուր
03.06.2026 | 12:52
Հայաստանի ազգային հավաքականի և ռուսական «Կրասնոդարի» ավագ Էդուարդ Սպերցյանը համաձայնել է տեղափոխվել Սաուդյան Արաբիայի ավարտված առաջնության բրոնզե մեդալակիր «Ալ Ահլի»։
«Mash на спорте»-ի համաձայն՝ սաուդյան ակումբը 25-ամյա կիսապաշտպանին առաջարկել է երեք տարվա պայմանագիր՝ տարեկան 10 միլիոն եվրո աշխատավարձով ու հավելյալ բոնուսներով։
Բանակցությունները եզրափակիչ փուլում են։ Սպերցյանին գոհացրել են ակումբի ամբիցիաներն ու ֆինանասական առաջարկը։ Սակայն «Կրասնոդարի» ղեկավարությունը չի ցանկանում բաց թողնել հայ ֆուտբոլիստին, որի գործող պայմանագիրը նախատեսված է մինչև 2029թ․ հունիսի 30-ը։ Այդ պատճառով Սպերցյանը մտադիր է հավաքականների խաղերով պայմանավորված դադարից հետո հանդիպել ակումբի սեփականատեր Սերգեյ Գալիցկիի հետ և խնդրել բաց թողնել իրեն։
«Ալ Ահլին» Ասիայի Չեմպիոնների լիգայի գործող հաղթողն է։ Թիմը Սաուդյան Արաբիայի 9-ակի չեմպիոն է։
Ռուսաստանի ավարտված առաջնությունում Էդուարդ Սպերցյանը մասնակցել էր բոլոր՝ 30 խաղերին, դարձել 13 գոլի ու 16 գոլային փոխանցման հեղինակ։ Transfermarkt-ը 25 միլիոն եվրո է գնահատում նրա տրանսֆերային արժեքը։
