13.07.2026 | 23:14
ԵՄ-ն պատժամիջոցներ է սահմանել VK-ի նկատմամբ
Ունենք եվրոպական հարկեր հայկական աշխատավարձերով․ Էդմոն Մարուքյանի քարոզարշավը Թամանյանի արձանի մոտ․ ՏԵՍԱՆՅՈՒԹ
Քաղաքականություն
27.05.2026 | 14:23
«Լուսավոր Հայաստան» կուսակցության վարչապետի թեկնածու Էդմոն Մարուքյանը Ալեքսանդր Թամանյանի արձանի հարևանությամբ իրականացվող քարոզարշավի ժամանակ քննադատել է գործող իշխանությունների գույքահարկի քաղաքականությունը։ Մարուքյանի ձևակերպմամբ՝ ներկայումս իրականացվում է բնակչության «էթնիկ զտում» սեփականության հարկի միջոցով։
Էդմոն Մարուքյանը հիշեցրել է, որ գույքահարկի բարձրացման նախագիծը «Քաղաքացիական պայմանագիր» խմբակցությունն ընդունել է դեռևս 2020 թվականին՝ համավարակի և արտակարգ դրության պայմաններում։ Ըստ նրա՝ վերացվել է նաև մարզերում գործող 3 միլիոն դրամի անշեմ գոտին, ինչի հետևանքով այսօր թանկացված հարկի տակ են ընկել Հայաստանի բոլոր քաղաքացիները։
«Մենք ունենք եվրոպական հարկեր, բայց հայկական աշխատավարձեր։ Իշխանությունը քաղաքացուն ասում է՝ եթե չես կարողանում վճարել Կենտրոնի բնակարանիդ հարկը, վաճառի՛ր տունդ ու գնա՛ ծայրամասերում ապրելու։ Սա սեփական քաղաքից մարդկանց վտարելու քաղաքականություն է»,- ասաց Մարուքյանը։
ԼՀԿ-ն առաջարկում է հատուկ մոտեցում կիրառել ժառանգություն ստացած բնակարանների համար։ Ըստ առաջարկի՝ հայրական տանը բնակվող ժառանգը չպետք է վճարի բարձրացված գույքահարկ։
«Այդ հարկը պետք է ուժի մեջ մտնի միայն այն դեպքում, երբ տունը վաճառվի նոր գնորդին, ով գիտակցաբար է ձեռք բերում թանկարժեք գույքը»,- նշեց Մարուքյանը։
Մանրամասները՝ տեսանյութում։
