24.10.2026 | 19:14
Վթար Արենի բնակավայրի մոտ. փրկարարները հատուկ տեխնիկայի միջոցով վարորդին դուրս են բերել ավտոմեքենայից
«ԱՊՀ-ն առանց ուշադրության չի թողնի ՀՀ-ում Ուկրաինայի հարցով ԵՄ գագաթնաժողովը»․ Լեբեդև
Քաղաքականություն
26.05.2026 | 14:54
Անկախ Պետությունների Համագործակցությունը (ԱՊՀ) չի կարող առանց ուշադրության թողնել Երևանի դիրքորոշումը եվրաինտեգրման հայտարարված ծրագրերի վերաբերյալ, ինչպես նաև Հայաստանում Ուկրաինայի հարցով կայացած ԵՄ գագաթնաժողովը։ Այս մասին հայտարարել է ԱՊՀ գլխավոր քարտուղար Սերգեյ Լեբեդևը, գրում է ՏԱՍՍ-ը։
«Այսօր մենք չենք կարող առանց ուշադրության թողնել Ուկրաինայի հետ կապված Հայաստանում վերջերս կայացած ԵՄ գագաթնաժողովը և երկրի ղեկավարության դիրքորոշումը ԵՄ-ին Հայաստանի անդամակցելու վերաբերյալ։ Միևնույն ժամանակ, Հայաստանը մնում է ԱՊՀ-ի, ՀԱՊԿ-ի և ԵՏՄ-ի անդամ և վայելում է այդ անդամակցության առավելությունները»,- ասել է նա «Անկախ Պետությունների Համագործակցության 35 տարին. արդյունքներ, խնդիրներ և հեռանկարներ» թեմայով կլոր սեղանի ժամանակ։
Հավելենք, որ Հայաստանում Ուկրաինայի հարցով որևէ գագաթնաժողով չի անցկացվել։ Մայիսի 4-ին Երևանում անցկացվել է Եվրոպական քաղաքական համայնքի գագաթնաժողովը, որին մասնակցել է նաև Ուկրաինայի նախագահ Վլադիմիր Զելենսկին։
Մայիսի 5-ին էլ տեղի է ունեցել ՀՀ-ԵՄ գագաթնաժողովը։
Թարգմանությունը՝ Էմմա Չոբանյանի
