25.05.2026 | 22:15
ՊԵԿ-ը արձագանքել է կաշառքի կասկածանքով ձերբակալված աշխատակիցների դեպքին
Մեծ Բրիտանիայի ՊՆ ղեկավարի ինքնաթիռը կորցրել է GPS ազդանշանը Ռուսաստանի սահմանի մոտ
Քաղաքականություն
25.05.2026 | 20:35
Մեծ Բրիտանիայի Թագավորական ռազմաօդային ուժերի ինքնաթիռը, որը տեղափոխում էր երկրի պաշտպանության նախարարին, հարձակման է ենթարկվել ռադիոէլեկտրոնային պայքարի համակարգերի կողմից և ժամանակավորապես կորցրել է GPS ազդանշանը Ռուսաստանի սահմանի մոտ։ Այս մասին հայտնում է The Times-ը, գրում է The Insider-ը։
Պաշտպանության նախարար Ջոն Հիլին Մեծ Բրիտանիա էր վերադառնում Էստոնիայի հարավ-արևելքում տեղակայված զինվորներին այցելելուց հետո: Dassault Falcon 900LX-ի GPS նավիգատորը խափանվել է և մնացել անգործունակ ամբողջ երեքժամյա թռիչքի ընթացքում։
Նշվում է, որ խանգարումը հանգեցրել է ինքնաթիռի կառավարման վահանակի որոշ բաղադրիչների անսարքության: Օդանավում գտնվող ուղևորներին (ներառյալ լրատվամիջոցի լրագրողին) վստահեցրել են, որ ինքնաթիռը դեռևս անվտանգ է թռիչքի համար։
Կարծիք կա, որ խոչընդոտը գրանցվել է միայն թռիչքի սկզբում՝ Ռուսաստանի տարածքին մոտ: Այնուամենայնիվ, պարզ չէ, թե արդյոք պաշտպանության նախարարի ինքնաթիռը դիտավորյալ թիրախավորվել է։
Սա բարձրաստիճան եվրոպացի պաշտոնյաներ տեղափոխող ինքնաթիռի հետ կապված միակ միջադեպը չէ։ 2024 թվականին այն ժամանակվա պաշտպանության նախարար Գրանտ Շապսին տեղափոխող ինքնաթիռի անձնակազմը նմանատիպ խնդրի էր բախվել։ Նա Լեհաստանում ՆԱՏՕ-ի զորավարժություններից վերադառնում էր Մեծ Բրիտանիա, երբ խնդիրը տեղի էր ունեցել Կալինինգրադին մոտենալիս։
Թարգմանությունը՝ Էմմա Չոբանյանի
