14.07.2026 | 23:13
Իրաքը մինչև սեպտեմբերի վերջ կզինաթափի ոչ պետական զինված խմբավորումներին
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
24.05.2026 | 01:30
System of a Down խմբի վոկալիստ Սերժ Թանկյանը Instagram-ի իր story բաժնում անդրադարձել է Երևանում սպասվող System of a Down խմբի համերգի մասին տեղեկությանը:
Թանկյանը գրել է․
«Այս թեմայի շուրջ, կարծես, որոշակի շփոթմունք կա։ Մենք ծրագրել էինք այս տարվա հուլիսին ելույթ ունենալ, սակայն որոշեցինք հետաձգել այն կազմակերպչական և ժամանակային խնդիրների պատճառով։ Կհայտարարենք այդ մասին, երբ համերգը վերանշանակվի»։
Հիշեցնենք՝ ավելի վաղ Հայաստանի վարչապետ Նիկոլ Փաշինյանը Ավան վարչական շրջանում նախընտրական քարոզարշավի ընթացքում հայտարարել էր, որ System of a Down-ը հուլիսին համերգով հանդես է գալու Երևանում։ Նրա խոսքով՝ համերգը նախատեսված էր Հանրապետության հրապարակում։
Խումբը վերջին անգամ Հայաստանում ելույթ ունեցել է 2015 թվականի ապրիլի 23-ին՝ Հանրապետության հրապարակում կայացած «Wake Up The Souls» անվանումով անվճար համերգով, որը նվիրված էր Հայոց ցեղասպանության 100-րդ տարելիցին։
Անի Թամրազյան
