28.09.2026 | 23:04
Եղիշե Մելիքյանը՝ Չեռնոգորիայի հավաքականից կրած պարտության մասին. ՏԵՍԱՆՅՈՒԹ
System of a Down-ը հուլիսին համերգ կտա Երևանում․ Փաշինյան
Հասարակություն
23.05.2026 | 21:54
Աշխարհահռչակ System of a Down ռոք խումբը հուլիսին համերգով հանդես է գալու Երևանում։ Այս մասին հայտարարել է վարչապետ Նիկոլ Փաշինյանը Ավան վարչական շրջանում անցկացվող նախընտրական քարոզարշավի ընթացքում։
Հանդիպման ժամանակ մի աղջիկ վարչապետին խնդրել է խմբին հրավիրել Հայաստան։«Գիտեմ, որ մոտիկ եք System of a Down-ի ու Սերժ Թանկյանի հետ, որ խնդրեմ, կկանչե՞ք իրենց Հայաստան համերգի»,- հարցրել է նա: Ի պատասխան Փաշինյանն ասել է. «Հուլիսին գալու են։ Հրապարակում համերգ են տալու»։ Աղջիկը նաև հետաքրքրվել է՝ համերգն անվճա՞ր է լինելու, ինչին վարչապետը պատասխանել է, որ այդ մասին տեղեկություն չունի։
Հիշեցնենք, որ խումբը Հայաստանում համերգ է ունեցել 2015 թվականի ապրիլի 23-ին՝ Երևանի Հանրապետության հրապարակում։ Համերգը կայացել է «Wake Up The Souls» համաշխարհային շրջագայության շրջանակում և նվիրված էր Հայոց ցեղասպանության 100-րդ տարելիցին։ Համերգի մուտքն անվճար էր:
Անի Թամրազյան
