22.05.2026 | 13:16
Սամվել Կարապետյանի ասուլիսը․ ՈՒՂԻՂ
Էսօր էլ լրտեսներ կան, որ չգիտեն՝ գիտենք. որ պահին ճիշտ համարենք, կգործենք. Փաշինյան․ ՏԵՍԱՆՅՈՒԹ
Հասարակություն
22.05.2026 | 09:49
Քրեական գործի օպերատիվ հատվածը իրականացրել է վարչապետին ենթակա մարմինը՝ ԱԱԾ-ն, և ես, բնականաբար, բոլոր մանրամասներին կարող եմ տեղյակ լինել։ Եվ երբ լրտեսության գործ է բացահայտվում, դա ունի նաև որոշակի օպերատիվ հետաքրքրություն․ հրավիրված ասուլիսի ժամանակ ասաց ՀՀ վարչապետ, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը՝ պատասխանելով ԱԺ նախկին պատգամավոր Անդրանիկ Թևանյանի նկատմամբ պետական դավաճանության և լրտեսության հոդվածներով հարուցված քրեական վարույթին։
«Մենք հիմա լրտեսներին չենք բռնում, որպեսզի ցանցերը, բացահայտվեն։ Էլ չեմ ասում լրտեսի ստացած հանձնարարությունները նաև մեզ տեղեկություն են տալիս մեր դեմ իրականացվող հետախուզական գործունեության մասին։ Եվ ձերբակալման որոշում կայացվում է այն ժամանակ, երբ օպերատիվ հետաքրքրությունը սպառվում է։ Այսինքն՝ հենց իմացանք, որ լրտես է, գնալ բռնելը գրագետ չէ, պետք է իմանալ ում հետ է աշխատում, ում է փոխանցում ինֆորմացիա, ումից է ստանում»,- ասաց վարչապետը՝ նշելով, որ այսօր էլ լրտեսներ կան, որոնք չգիտեն, որ իշխանությունները տեղյակ են իրենց գործունեությունից և որ պահին ճիշտ համարեն՝ կբռնեն։
Մանրամասները՝ տեսանյութում։
