26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Մարտի 1-ին Տեր-Պետրոսյանը մեզ տարավ սրի բերան, ինքը փախավ տուն, դուք կապ չունեք․ քաղաքացին՝ Քոչարյանին. ՏԵՍԱՆՅՈՒԹ
Քաղաքականություն
20.05.2026 | 21:40
ՀՀ երկրորդ նախագահ Ռոբերտ Քոչարյանի և քաղաքացիների հանդիպման ժամանակ անդրադարձ է կատարվել Մարտի 1-ի իրադարձություններին։ Քաղաքացիներից մեկը պնդել է, որ այդ դեպքերի և զոհերի պատասխանատուն ոչ թե Ռոբերտ Քոչարյանն է, այլ նախկին և ներկա այլ գործիչներ։
«Գոռ Քլոյանի երեխեն Ռոբերտ Քոչարյանի պատճառով չի եղել… Լևոն Տեր-Պետրոսյանի շնորհիվ ա եղել… Իմ ցանկությունն էն ա, որ դեռևս պահպանեք Ձեր քարտեզի վրա, որովհետև դուք կուռ լիդեր եք, ոչ թե սոված կամակատար»,- ասել է քաղաքացին՝ ցուցադրելով նաև հին լուսանկարներ։
Արձագանքելով քաղաքացուն՝ Ռոբերտ Քոչարյանը նշել է, որ 2018 թվականից սկսված քրեական գործն ամբողջությամբ «փուչ է»․
«Այս գործում կա մեկ հիմնական մեղավոր և պատասխանատու՝ նա, ով հրահրել է այդ մարդկանց… Պրակտիկ գործն արել է Նիկոլ Փաշինյանը՝ բարձրախոսով, որ «երկաթներ վերցրեք, ձողեր վերցրեք»… Եվ առաջին զոհվածն էլ եղել է հենց ոստիկանության կապիտան»,- շեշտել է նա:
Քոչարյանը քննադատել է նաև իշխանությունների ներկայիս գործելաոճը՝ նշելով, որ իրենք հանրահավաքներ են անում, մինչդեռ մյուս կողմը գնում է մարդկանց բակեր և հակաճառելու դեպքում հարձակվում նրանց վրա։
Խոսքի վերջում անդրադառնալով Նիկոլ Փաշինյանին՝ երկրորդ նախագահը հավելել է. «Մենք հայտնի փախնող ունենք։ Մարտի 1-ից էլ ի միջալուց փախավ… պատերազմից հետո փախավ բունկեր»:
