28.09.2026 | 13:09
Բոլոր դատավարությունների նպատակը հետագայում ՀՀ-ի դեմ իրավական գործընթացներ սկսելն է․ Տարոն Սիմոնյան․ ՏԵՍԱՆՅՈՒԹ
«Զարմանում եմ վարչապետի ներվերի վրա». Ալեն Սիմոնյան. ՏԵՍԱՆՅՈՒԹ
Քաղաքականություն
18.05.2026 | 13:34
ԱԺ նախագահ Ալեն Սիմոնյանը Factor TV-ի հետ զրույցում ասաց, որ լիովին կիսում է վարչապետ Նիկոլ Փաշինյանի խոսույթը։ Նա նշեց, որ զարմանում է վարչապետի երկաթե նյարդերի վրա և պնդեց, որ իշխանության նկատմամբ ատելության ու վիրավորանքի դաշտը ձևավորել է ընդդիմությունը։
«Ես ընդհանրապես զարմանում եմ վարչապետի ներվերի վրա։ Ես կարծում եմ, որ դրանք բետոնից են, երկաթից են։ Ես ընդհանրապես զարմանում եմ, որ ինքը դիմանում է այն ամենին, ինչի միջով անցնում ենք։ Ես, օրինակ, հաճախ չեմ դիմանում։ Եվ ես չեմ կարծում, որ ձեզանից յուրաքանչյուրը կամ մեզ դիտողներից յուրաքանչյուրը դրա կեսի կեսին կարող էր դիմանալ։ Հարի՞ր է արդյոք լրագրողին, որ ինքը չդիմանա։ Իհարկե՝ ոչ։ Հարի՞ր է արդյոք հայ տղամարդուն, որ ինքը չդիմանա։ Իհարկե՝ ոչ։ Բայց բոլորս էլ մարդ ենք, և, վերջիվերջո, այդ խոսույթը, այդ լարվածությունը, այդ ատելությունը դաշտ են բերել ընդդիմադիրները։ Որովհետև 2021 թվականից սկսած իրենք մեզ գնդակահարում էին, մեզ բանտերն էին նետում, և վիրավորանքները՝ «թուրք», «դավաճան», «հողատու»․․․ կարծես թե մենք չենք դրել շրջանառության մեջ։ Այնպես որ, խնդրում եմ՝ ճիշտ հասցեատեր գտեք»,- ասաց Ալեն Սիմոնյանը։
Մանրամասները՝ տեսանյութում։
