02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Ուկրաինա են վերադարձվել 528 զոհված զինծառայողների մարմիններ
Քաղաքականություն
16.05.2026 | 17:19
Ուկրաինա են վերադարձվել 528 մարմիններ, որոնք դեռ պետք է նույնականացվեն։ Ռուսական կողմի պնդմամբ՝ դրանք զոհված ուկրաինացի զինծառայողների մարմիններ են։ Այս մասին այսօր՝ մայիսի 16-ին, Facebook սոցիալական ցանցում հայտնել է Ուկրաինայի զինված ուժերի գլխավոր շտաբը։
Առջևում վերադարձված մարմինների տեղափոխման գործընթացն է․ «Հետագայում կանցկացվեն բոլոր անհրաժեշտ փորձագիտական հետազոտությունները և նույնականացումը»։
Աճյունների վերադարձի գործընթացում ներգրավված են եղել, մասնավորապես, Ուկրաինայի անվտանգության ծառայությանը կից Միավորված կենտրոնը, հատուկ հանգամանքներում անհետ կորած անձանց հարցերով լիազորի քարտուղարությունը, ռազմագերիների հետ վարվելու հարցերով համակարգող շտաբը և Ուկրաինայի արտակարգ իրավիճակների պետական ծառայությունը։ Աջակցություն է ցուցաբերել նաև Կարմիր խաչի միջազգային կոմիտեն։
Գործընթացին միացել են նաև Ուկրաինայի զինված ուժերի «Վահանի վրա» («НА ЩИТІ») նախագծի որոնողական խմբերը։
«Այսօր պատերազմի բնույթը փոխվել է․ որոնողական աշխատանքների տարածքները մշտապես գտնվում են անօդաչու սարքերի հարվածների, հեռահար ականապատման և հրետակոծությունների վտանգի տակ», – հավելել են Գլխավոր շտաբից։
