04.11.2026 | 09:46
4 մեքենայի բախման հետևանքով 9 մարդ է զոհվել, 3-ը՝ վիրավորվել
ԵՏՄ-ից դուրս գալը Հայաստանին կարժենա առնվազն 5 մլրդ դոլար. Վյաչեսլավ Վոլոդին
Քաղաքականություն
16.05.2026 | 15:36
Պետդումայի խոսնակ Վյաչեսլավ Վոլոդինը հայտարարել է, որ Հայաստանի դուրս գալը Եվրասիական տնտեսական միությունից կարող է երկրին արժենալ առնվազն 5 միլիարդ դոլար, որը համարժեք է ՀՆԱ-ի 15-20%-ին․ գրում է Kommersant.ru-ն։
Վոլոդինի խոսքով՝ 2015 թվականին Հայաստանի Եվրասիական տնտեսական միությանը միանալուց ի վեր երկրի տնտեսությունը զգալիորեն աճել է. ՀՆԱ-ն աճել է 2.5 անգամ՝ 10.55 միլիարդ դոլարից հասնելով 26.37 միլիարդ դոլարի: Նա նաև նշել է ռուսական գազի մատակարարման արտոնյալ պայմանները: Նրա խոսքով՝ Ռուսաստանը Հայաստանին գազ է մատակարարում հազար խորանարդ մետրի համար 177.5 դոլարով, մինչդեռ Եվրոպայում գինը հասնում է 633 դոլարի:
Պետդումայի խոսնակը հայտնել է, որ Հայաստանի արտահանման մոտ մեկ քառորդը գնում է ռուսական շուկա, սակայն Եվրամիության հետ մերձեցման մասին խոսակցությունների ֆոնին երկու երկրների միջև առևտուրն արդեն նվազել է 45.4%-ով: Նա նաև նշեց, որ որոշ ռուս ձեռնարկատերեր սկսել են կրճատել իրենց բիզնեսը Հայաստանում՝ հանրապետության ապագա արտաքին քաղաքականության ուղու շուրջ անորոշության պատճառով։
Տնտեսական ռիսկերից բացի, Վոլոդինը նաև մատնանշել է հնարավոր սոցիալական հետևանքները։ Նա կարծում է, որ արևմտյան լիբերալ արժեքների ազդեցությունը Հայաստանում աճում է, ինչը կարող է հանգեցնել հասարակության ներքին պառակտումների և ավանդական ինստիտուտների, այդ թվում՝ եկեղեցու թուլացման։
Ավելի վաղ Հայաստանի արտաքին գործերի նախարար արարատ Միրզոյանը հայտարարել էր, որ երբ ժամանակը գա երկիրը կորոշի ընտրել Եվրասիական տնտեսական միությունը, թե Եվրամիությունը։
