23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
ՀԿԿ-ն նոր գաղտնալսում է հրապարակել․ «Մեր ձևովին» ճիշտ ա՝ ես չեմ ընտրելու, բայց պիտի չալիշ անենք»․ ՏԵՍԱՆՅՈՒԹ
Հասարակություն
15.05.2026 | 15:33
ՀՀ հակակոռուպցիոն կոմիտեի և Ազգային անվտանգության ծառայության համատեղ միջոցառումների արդյունքում տվյալներ են ստացվել, որ «Ուժեղ Հայաստան» կուսակցության Լոռու մարզի մի շարք գրասենյակների համակարգողներ պատրաստվել են ընտրակաշառք բաժանել՝ 2026 թվականի հունիսի 7-ին կայանալիք ԱԺ ընտրություններում իրենց օգտին քվեարկելու դիմաց։ Դեպքի առթիվ նախաձեռնվել է քրեական վարույթ, իրականացվել են խուզարկություններ, իսկ մի շարք անձինք ձերբակալվել են։
«ՀՀ հակակոռուպցիոն կոմիտեի և ազգային անվտանգության ծառայության աշխատակիցների կողմից համատեղ ձեռնարկված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության ՀՀ Լոռու մարզում գործող մի շարք գրասենյակների համակարգողներ 2026 թվականի հունիսի 7-ին կայանալիք ՀՀ Ազգային ժողովի ընտրություններին իրենց օգտին քվեարկելու դիմաց նախապատրաստել են ընտրողներին տալ ընտրակաշառք, ինչպես նաև խոչընդոտել նույն մարզի մի շարք բնակիչների ընտրական իրավունքի ազատ իրականացմանը։
Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ»,- ասված է հաղորդագրությունում։
