15.07.2026 | 20:20
«Դրսից եկողների» դեմ փոփոխություն․ ՀՀ-ն խստացնում է ընտրական ցենզը, մինչ այլ երկրներ հրաժարվում են սահմանափակումներից
ՀՀ կառավարությունն ամեն ինչ անում է, որ մենք տարիներ անց ատոմակայան չունենանք․ Մարուքյան․ ՏԵՍԱՆՅՈւԹ
Քաղաքականություն
10.05.2026 | 15:33
Այսօր մենք գտնվում ենք Մեծամորում՝ Հայաստանի Հանրապետության ամենակարևոր ռազմավարական օբյեկտի մոտ՝ ատոմակայանի մոտ: Այս մասին հայտարարեց «Լուսավոր Հայաստան» կուսակցության առաջնորդ Էդմոն Մարուքյանը։
«Եթե անցյալ տարի որոշում չկայացվեր նոր էներգաբլոկի կառուցման մասին, ապա տարիներ անց մենք այլևս ատոմակայան չենք ունենալու: Հիմա Հայաստանի կառավարությունը ամեն ինչ անում է, որպեսզի մենք տարիներ անց չունենանք ատոմակայան: Ինչպե՞ս է դա անում. որոշումը ձգձգում է, ասում է՝ քննարկում ենք Ֆրանսիայի հետ, քննարկում ենք Չինաստանի հետ, քննարկում ենք Ամերիկայի հետ, քննարկում ենք Ռուսաստանի հետ, և որոշում չի կայացվում:
Ստրատեգիական խնդիրների վերաբերյալ որոշման չկայացումը նույնպես ձախողում է ամբողջությամբ, որովհետև այդ որոշման կայացումից է կախված, թե ապագայում մեր սերունդները կունենան Հայաստանի Հանրապետություն, որը ունի էներգետիկ ինքնիշխանություն, թե՞ կունենան Հայաստանի Հանրապետություն, որը կախված է, ասենք, Թուրքիայի էներգետիկայից, կամ հարևան Ադրբեջանի, կամ այլ երկրների»,-նշեց Մարուքյանը:
Մանրամասները՝ տեսանյութում։
