14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
ՀԿԿ-ն ուսումնասիրում է Factor.am-ի հրապարակումը՝ ընտրական շրջանում ֆոտոխցիկ նվիրելու վերաբերյալ
08.05.2026 | 18:50
Հակակոռուպցիոն կոմիտեն ուսումնասիրում է Factor.am-ի հրապարակումը՝ ՔՊ պատգամավորության թեկնածու Տիգրան Ավինյանի կողմից նախընտրական շրջանում մանկատան սանին ֆոտոխցիկ նվիրելու վերաբերյալ հրապարակումը։ Այս մասին Factor.am-ի հետ զրույցում ասաց Հակակոռուպցիոն կոմիտեի մամուլի խոսնակ Մարինե Օհանջանյանը։
Հիշեցնենք՝ Factor.am-ն այսօր տեղեկացրել էր, որ Տիգրան Ավինյանը լուսանկարչական ապարատ է նվիրել։ Արձակուրդի մեջ գտնվող և ՔՊ-ի քարոզարշավին միացած քաղաքապետը Factor.am-ի հետ զրույցում հաստատել էր նվեր տալու փաստը և մեր հարցադրմանն ի պատասխան նշել, որ չի կարծում, թե նախընտրական շրջանում խախտել է բարեգործության մասին օրենքը։ Տիգրան Ավինյանը տեղեկացրել էր, որ այն պետք է նվիրեր մեկ ու կես տարի առաջ, սակայն, հանգամանքների բերումով չի ստացվել։
«Չեմ կարծում, որ խնդրահարույց է, եթե խոսքը մի բանի մասին է, որը մեկ ու կես տարի առաջ պետք է տեղի ունենար։ Մենք դեռ պետք է ներողություն խնդրենք, որ պատշաճ չի արվել»,-ասաց Ավինյանը։
Նարեկ Կիրակոսյան
