26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Էս ի՞նչ հիստերիկ ելույթներ են․ պատերազմի եռագլուխ դևը Փաշինյանը, Էրդողանն ու Ալիևն են․ Վարդանյան․ ՏԵՍԱՆՅՈՒԹ
Քաղաքականություն
07.05.2026 | 12:26
Տիկին դատախազ, քանի՞ վայրկյան կտևեր Ձեր այս ամբիոնին հայտնվելը, եթե որևէ տեղ հանկարծ ընդդիմադիրների առերևույթ Քրեական օրենսգիրք խախտելու մասին տեղեկություն լիներ։ Այս մասին ԱԺ-ում հայտարարեց պատգամավոր Քրիստինե Վարդանյանը՝ խոսելով Դատախազության տարեկան հաղորդման մասին։
«Եթե երեկ իմ մասին հրապարակում լիներ, Դուք այսօր հաշվետվության այստեղ չէիք գա, Դուք կգայիք ինձ անձեռնմխելիությունից զրկելու։ Բա «զադերժկան» ինչո՞ւմն է, երբ հարցը վերաբերում է քաղաքացիներին։ Թե՞ Դուք Հայաստանի Հանրապետության գլխավոր դատախազը չեք։ Ես Ձեզ այլ հարց էլ եմ տալիս այստեղից։ Ասում եմ՝ այս ամբիոնից Ազգային ժողովի պատգամավոր հայտարարել է, որ իր նկատմամբ ուժայինները ճնշումներ են գործադրում։ Դուք նստած եք եղել նույն աթոռին։ Մեկուկես տարի է անցել, ի՞նչ եք արել»,- հետաքրքրվեց Վարդանյանը։
Նա անդրադարձավ նաև ՔՊ-ական պատգամավորների ելույթներին։
«Ձեզ մի քիչ զուսպ պահեք։ Եթե այդպես 70%-ով գնում եք, հաղթում եք, ձեր դեմ խաղ չկա, բա այս ի՞նչ ջղաձգում է, այստեղ գալիս եք, այս ի՞նչ հիստերիկ ելույթներ են, կամ ի՞նչ բառապաշար եք օգտագործում։ Էլ չգիտե՞ք մեր ժողովրդին ոնց ահաբեկեք։ Զգացի՞ք, որ պատերազմի թեզն էլ չի աշխատում, մարդկանց պատերազմով վախեցնելը։
Ու եթե կա պատերազմի եռագլուխ դև, այդ Նիկոլ Փաշինյան, Էրդողան, Ալիև պատերազմի եռագլուխ դևն է»,- նշեց նա։
Մանրամասները՝ տեսանյութում։
